Amăng mông bơkơtuai, Khua mir sir dêh čar Brazil đăo gơnang tal nao čuă amra djru ngă brơi tơlơi giăng mah mơ̆ng hlâo hăng gum hrŏm klă hiam kơplah wah dua bôh dêh čar truh tơhnal prong phrâo pơ̆ anăp anai, djru klă kơ tơlơi rơnuk rơnua, hơđong, pơđĭ kyar ƀơi dua kual hăng ƀơi jar kơmar.

Dua bơnah lăng djơ̆ pran jua biă tơlơi rô nao rai kơplah wah dua bôh dêh čar pơđĭ kyar klă dong hăng jai hrơi jai ba glăi bôh tơhnal, sit nik, biă ñu gah bruă kơđi čar, pơtom hiăp, bơwih ƀong sĭ mơdrô, pơgang lŏn ia rơnuk rơnua, bruă đang hmua, kơsem min bôh thâo phrâo măi mok, bôh thâo, pơtô pơhrăm. Dua bơnah tŭ ư kơtưn đĭ dong hơdôm tal hyu čuă, bưp gưl dlông hăng hơdôm gưl amăng hơdôm glông pôr pơhing Ping gah, Kơnuk kơna, Gong gai, Khua pơ ala mơnuih ƀôn sang; gum hrŏm pơphun klă hơdôm bruă mă hơdor glăi 35 thun pơdŏng bruă pơtom hiăp amăng thun 2024./.