Amăng mông bưp, Khua dêh čar ta, ơi Phạm Minh Chính lăi rơđah, Việt Nam lăng yôm pơtrut tơlơi giăng mah hăng gum hrŏm hăng hơdôm bôh dêh čar kual Ơi Jŭ, amăng anun hmâo Burundi. Khua dêh čar mơ-ak hăng bơni Gong gai dêh čar Burundi hmâo dŏng yua rơwang bruă tuh pơplai dăng kông mơ̆ng anom bơwih ƀong Việt Nam ƀơi Burundi, djru gum hơgôp tơlơi pơđĭ kyar bơwih ƀong – mơnuih mơnam ƀơi anai.

Khua dêh čar rơkâo Burundi ngă gal brơi kơ anom bơwih ƀong Việt Nam dô̆ bơwih ƀong ƀơi Burundi. Hrŏm hăng anun, Khua dêh čar ba tơbiă dua bơnah kơtưn bruă sĭ mơdrô, gum hrŏm gah đang hmua. Dua bơnah tŭ ư hrŏm amra kơtưn gum hrŏm hăng dŏng yua tơdruă ƀơi hơdôm mông bơkơtuai lu bơnah ăt kah hăng pơtrut ngă glông tô nao rai gum hrŏm mơ̆ng dua bôh dêh čar hăng ASEAN, Khul pơlir hơbit kual Ơi Jŭ hăng kơplah wah ASEAN hăng khul pơlir hơbit Ơi Jŭ./.