Khua git gai wai lăng pơ ala mơnuih ƀôn sang dêh čar Cuba hmâo nao pơpŭ bơnga ƀơi anăp gŏng kut rup Fidel Castro amăng đang bơnga Sang ia jrao Giăng mah Việt Nam – Cuba Đồng Hới, ră ruai hăng ƀing duam ruă glăk dô̆ pơjrao ƀơi anai, čuă Anih pơjrao tơlơi ruă čơđai muai hăng ƀơk gơnam tam kơ čơđai duam ruă glăk dô̆ pơjrao ƀơi sang ia jrao.

Ră ruai hăng mơnuih ruă glăk dô̆ pơjrao ƀơi sang ia jrao anai, Khua git gai wai lăng pơ ala mơnuih ƀôn sang dêh čar Cuba bâo glăi tal rai čuă pơđom pioh gru grua mơ̆ng Khua mir sir Fidel Castro amăng kual tlaih rơngai, hơdôm pran jua kiăng khăp mơ-ĭt truh mơnuih ƀôn sang Việt Nam. Khua git gai wai lăng pơ ala mơnuih ƀôn sang dêh čar Cuba lăi rơđah, Sang ia jrao Giăng mah Việt Nam – Cuba Đồng Hới na nao lĕ gru than mơ̆ng pran jua kiăng khăp giăng mah, gum hrŏm hơbit kơplah wah dua bôh dêh čar Việt Nam – Cuba./.