Đĭ pơhiăp amăng mông bưp, Khua dêh čar ơi Phạm Minh Chính tŭ yap, lăng yôm Sang anih jưh pơ ala dêh čar hơmâo prap lui klă tal nao čuă mơng khua mua kơnuk kơna. Khua dêh čar rơkâo Sang anih jưh kiăo tui lăng, pok pơhai tŭ yua hơdôm boh tơhnal hiam klă hloh hăng tơlơi pơkôl ngă hrŏm hơmâo kĭ ƀrô tal nao čuă kiăng pơgôp pơtrut tơlơi rô nao rai ngă hrŏm djop mơta kơplah wah Việt Nam-Brazil hrưn đĭ pơplih phrâo pơ anăp dong.

Khua dêh čar ơi Phạm Minh Chính rơkâo ƀing apăn bruă amăng sang anih jưh pơ ala dêh čar đing nao bruă jao pơbưp nao rai ngui adôh suang, pơtô pơjuăt, bơrơguăt drơi jăn hăng pơbưp nao rai mơnuih ƀon sang dua bơnah; gum hrŏm amăng hơdôm mông jơnum djop bơnah kiăng dong yua, djru tơdruă, sit biă ñu dong yua tơlơi gơgrong phun mơng ASEAN amăng hơdôm bruă amăng kual ia rơsĭ Ngŏ.