Amăng mông tŭ jum, dua gơñu tŭ ư hrŏm lĕ, bruă dua bôh dêh čar hơdai bơ pơphun hơdor glăi gru grua 50 thun tal rai čuă mơ̆ng Khua mir sir Fidel Castro pơ̆ kual Tlaih rơngai Dơnung dêh čar Việt Nam lĕ kiăng pơdah pran jua pơpŭ hơdôm gru grua yua kơ Khua mir sir Hồ Chí Minh, Khua mir sir Fidel Castro hăng lu rơnuk git gai, mơnuih ƀôn sang dua bôh dêh čar hmâo pioh glăi laih tơlơi rô nao rai Việt Nam hăng Cuba. Ping gah, Kơnuk kơna Việt Nam hăng Cuba amra pơtô pơhrăm dong rơnuk klăk ai dua bôh dêh čar kiăng djă pioh ngă kơjăp tui pran jua giăng mah adơi ayong hăng gum hrŏm pha ra Việt Nam – Cuba.

Hluai tui tơlơi rô nao rai adơi ayong pha ra, Khua mir sir dêh čar ta, ơi Võ Văn Thưởng rơkâo dua bơnah gum hrŏm kơjăp dong pioh kơtưn đĭ tơlơi gum hrŏm hluai tui bruă pok pơhai ba glăi bôh tơhnal hơdôm tơlơi pơkôl gưl dlông, hơdôm hơdră gum hrŏm hmâo hơđăp, ngă tui bôh tơhnal hơdôm hơdră bơkơtuai hăng gum hrŏm kơplah wah dua bơnah./.