VOV4.Jarai - Mơguah lơ 7/5, Jơnum ngă lơphet prong gưl Kơnuk kơna hăng Brơi tơhan rơbat pơtrui ƀrô hrơi hơdor glăi 70 thun blah dưi ƀơi Điện Biên Phủ hơmâo pơphun ƀơi plơi prong Điện Biên Phủ, tơring čar Điện Biên.

VOV4.Jarai - Lơ 6/5, Đại tướng Tô Lâm, Khua ding jum Kông an hrŏm hăng Grup khua pơ ala mơnuih ƀôn sang dêh čar tơring čar Hưng Yên hơmâo bưp mơnuih ƀôn sang hlâo kơ mông Jơnum lok 7, Khua pơ ala mơnuih ƀôn sang dêh čar tal 15.

VOV4.Jarai - Amăng rơnuk blah ƀơi Điện Biên Ohủ, yua tơnap, kơƀah phao kơtuang, Anom git gai blah ayăt pơphun iâu pơthưr “Sua mă yu kơdâo mă tŭ boh phao” “Mă phao ayăt blah glăi ayăt”. Bruă anai jing sa amăng hơdôm bruă mă mơ̆ng ling tơhan ƀô̆ đô̆i ta lơ̆m blah ngă, yua hnun mơn huăi kơƀah phao kơtuang, djru blah dưi Điện Biên Phủ hing ang 70 thun hlâo adih.

VOV4.Jarai – Kơtưn ba mơnuih ping gah pơgang guai dêh čar glăi ngă Kơ-iăng Khua git gai ping gah să, ba mơnuih ping gah pơgang guai dêh čar glăi jơnum hrŏm hăng grŭp Ping gah plơi pla, ƀôn lan ƀơi guai dêh čar gah Dak Nông glăk pơjing rai hơdôm bôh tơhnal sit nik. Dưi pơtô pơhrăm hmâo akô̆ tlôn, hmâo bôh thâo hăng thâo pơtô ba mơnuih ƀôn sang, mơnuih ping gah ling tơhan glăk djru ngă pơplih “tơlơi pơmin hơdră ngă”, djru tơlơi hơdip mơda mơ̆ng neh wa djop djuai ania ƀơi kual guai dêh čar, kual asuek, kual ataih mơ̆ng tơring čar Dak Nông jai hrơi jai hơđong hăng pơđĭ kyar.

VOV4.Jarai-Mơmŏt lơ 6/5, ƀơi plơi prong Điện Biên Phủ pơphun jơlan hơdră ngui adôh suang yôm phăn hăng anăn “Điện Biên Phủ-Gru grua hing ang”.

VOV4.Jarai-Mơguah lơ 6/5, amăng jơnum lok 18, Khul pơ ala mơnuih ƀôn sang tơring čar Gia Lai hơmâo pơphun ruah pơhrua hăng brơi pơdơi bruă hăng sa, dua čô khua mua tui tơlơi pơkă.

VOV4.Jarai - Mơguah lơ 6/5, ƀơi Ƀirô Kơnuk kơna, Khua dêh čar ơi Phạm Minh Chính tŭ jum Khua ding jum ling tơhan dêh čar Prang Sebastien Lecornu glăk rai čuă ƀơi Việt Nam, mut hrŏm hơdôm bruă mă tal hơdor glăi 70 thun blah dưi Điện Biên Phủ.

VOV4.Jarai – Hơdor glăi 70 thun hrơi tlaih rơngai Điện Biên Phủ (7/5/1954 – 7/5/2024), mơguah lơ 6/5 ƀơi Hà Nội, grŭp khua pơ ala kơ khua git gai, khua git gai hơđăp Ping gah, Kơnuk kơna ta nao dưm guang bơnga hăng mut čuă pơsat jep Khua mir sir Hồ Chí Minh; dưm guang bơnga hơdor glăi ƀing Sông kơtang pơsăn drơi ƀơi jơlan Bắc Sơn (Ba Đình, Hà Nội).

VOV4.Jarai-Tlam lơ 5/5, Khua dêh čar ơi Phạm Minh Chính nao jơnum hrŏm pôr pơthâo bruă pơkă hnong tơring čar Tây Ninh mơ̆ng thun 2021-2030, lăng nao pơ anăp adih truh thun 2050.

VOV4.Jarai-Tlam mơmŏt lơ 5/5, Ƀrô hơdor glăi tal 70 thun hrơi blah dưi ƀơi Điện Biên Phủ, Gong phun pơdah rup Việt Nam pơphun pơdah rup hmao klôn tô nao rai hăng lu anih mă anăn “Gah yŭ hla kơ Khom Dưi”, pơtruh nao rai hăng 5 bit anih pơdah brơi mơnuih ƀôn sang lăng tivi mơ̆ng plơi prong Điện Biên Phủ, ƀôn prong Hà Nội, Thanh Hóa, Kon Tum hăng ƀôn prong Hồ Chí Minh.