Tơdơi kơ mông čơkă mă, 18 per tơlang tơleh tơhan djai pơsăn drơi hrŏm hăng lu gơnam hơmâo ba glăi pơ Gong kut pioh hơdor tơhan djai pơsăn drơi Đức Cơ, dong amăng pơsat dor tơhan djai pơsăn drơi Đức Cơ kiăng kơ wai lăng hăng ngă yang hơ-ŭ hơdor tui phiăn juăt. Ƀơi anai, Khul djru bruă khul git gai mrô 515 tơring čar Gia Lai hăng ƀing apăn bruă, ling tơhan hơmâo tŭi ñang, hơ-ŭ hơdor kơ tơhan djai pơsăn drơi hăng pran jua ol kơdol.

Tui tơlơi pơkă bruă mă mơng Khul git gai mrô 515 tơring čar Gia Lai, mông ngă yang iâu lăi brơi tơhan djai pơsăn drơi hơmâo pơphun amăng lơ 12/6. Mông mơyut jôk, hơ-ŭ hơdor hăng pơya 18 per tơlang tơleh tơhan djai pơsăn drơi amra pơphun amăng lơ 13/6 ƀơi pơsat dor tơhan Đức Cơ, să Đức Cơ, tơring čar Gia Lai.