Pơhiăp git gai mông jơnum, Ding kơna Khul git gai Ping gah dêh čar ơi Trần Cẩm Tú kiăng ječ ameč pơsir hĭ anŏ kơđông plang internet amăng hơdôm hrơi mă yua boh thâo “Hră điện tử čih djă pioh mơnuih ping gah”.

Lăi pơthâo glăi ƀơi mông jơnum brơi ƀuh, bruă pơplih boh thâo mrô amăng hơdôm anom bruă Ping gah hơmâo lu tơlơi pơplih kơ dăp rơmet giong tơlơi phiăn, akŏ pơjing phun atur hăng pok pơhai hơdôm glông boh thâo mă yua hrŏm. Khă hnun, hơdôm bruă mă ăt dŏ kaih, aka ƀu bơkơnar ôh. Khul khua git gai Ping gah jao kơ Anom bruă Ping gah gơnong dlông tañ pơtrun hơbô̆ bruă  mă yua boh thâo mrô gưl tơring čar, gưl să; laih dong ngă hrŏm djŏp anom bruă, pô gơgrong ngă pơsir hĭ hlao djŏp tơlơi tơnap, aka ƀu hruaih gah boh thâo kĭ thuâ̆t, ngă amuñ ƀiă hơdră gư̆ tut mă yua glông git gai ngă bruă.