Pơ ala brơi khua mua Ping gah hăng Kơnuk kơna, Khua git gai Ping gah, Khua mir sir ơi Tô Lâm hơmâo jao miđai yôm phăn anai brơi tơhan wai pơgang rơnuk rơnua kiăng tŭ yap pran mă bruă, tơlơi dưi prong  amăng wai pơgang rơnuk rơnua lŏn ia. Đĭ pơhiăp git gai amăng mông ngă lơphet, khua apăn akŏ Ping gah hăng Kơnuk kơna lăi pơtong, amăng rơnuk phrâo ră anai, tơhan wai pơgang rơnuk rơnua kiăng tŏ tui pơplih tơlơi pơmĭn, hrưn đĭ pran đăo lăng hlâo jơlan gah bruă mă, gơgrong ngă pơrai hĭ abih tơlơi pơčut pơčao mơng ƀing ngă sat.

Khua git gai Ping gah, khua mir sir rơkâo đing nao pơjing ling tơhan ngă bruă tơpă, prong kơtang, rơgơi bruă, pơplih phrâo, lăp djơ̆ lĕ anih pơgang ba kjăp mơng Ping gah, Kơnuk kơna hăng tơlơi hơdip hơđong kơ mơnuih ƀôn sang.