Jing tơring čar čư̆ siăng, giăm guai dêg čar Yŭ Kơdư, Sơn La hơmâo giăm 275 km jơlan guai hăng dêh čar Lao; mrô mơnuih rơbêh 1 klăk 400 rơbâo čô, hăng 12 phung djuai ania. Bơni kơ 6 bruă hơmâo ngă mơ̆ng tơring čar thun blan laih rơgao, hmư̆ hing bruă bơwih ƀong huă - mơnuih mơnam hơđong, ayuh hyiăng glai rưng hơmâo pơgang klă, bruă ngă hmua djơ̆ lăp, bruă gru grua, mơnuih mơnam hăng tơlơi bơwih ƀong hơdip mơda mơnuih ƀôn sang hơmâo lăng ba; Khua ping gah, Khua mir sir ơi Tô Lâm pơsit, hơdôm bruă hơmâo ngă anai pơƀuh pran jua gum pơgôp, ngă bruă prăp mă pô, khut khăt, gơgrong mơ̆ng Ping gah, gong gai, tơhan blah ngă, sang bruă mơdrô hăng mơnuih ƀôn sang djŏp djuai ania tơring čar Sơn La. Ñu kiăng tơring čar Sơn La pơƀut git gai 8 mơta bruă akŏ phun, amăng anun kiăng kơđiăng, pơsit rơđah hơbô̆ bruă đĭ kyar hăng tơlơi hmư̆ hing gơgrong bruă mơ̆ng Sơn La amăng kual Yŭ Kơdư.

Lăi rơđah tơlơi pơmin, khŏm đĭ kyar ană mơnuih ta, pơtô hrăm, hơđong plơi pla, hăng hrŏ trun ƀun rin hơđong yơh akŏ ñu, Khua ping gah, Khua mir sir pơtă pơtăn, tơring čar pơ anăp khŏm prăp lui klă thun hrăm phrâo 2026-2027, ngă klă bruă pơkă tơlơi suaih pral tui hrơi pơkă kơ sa čô mơnuih aset biă ñu 1 wơ̆t/1 thun.