Ming glăi hnơ̆ng pơkă, čuk pơkra dua jơlan rơdêh đuăi hmar găn nao pơ Dak Lak hlâo kơ thun 2030
Thứ sáu, 07:18, 17/07/2026
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV.Jarai-Tơlơi pơhing lăi pơthâo ƀơi mông jơnum hăng ƀing čih tơlơi pơhing phrâo mơguah kơnôl 16/7, Jơnum min mơnuih ƀôn sang tơring čar Dak Lak brơi thâo, tui hăng Hră pơtrun mrô 1088 mơ̆ng Ding jum Man pơdong, jơlan rơdêh đuăi hmar Plei Ku-Ƀuôn Ma Thuôt-Gia Nghĩa rơnoh glông ataih truh 260 km dưi ming pơkra glăi rơnoh prăk či tuh pơ alin ngă tui khom giong hlâo kơ thun 2030.
Kơčăo bruă anai, hơmâo rơnoh tuh pơ alin abih tih 70.000 klai prăk. Ăt tui hăng Hră pơtrun mrô 1088 mơ̆n, jơlan rơdêh đuăi hmar Phú Yên-Dak Lak dưi ming pơkra glăi tuh pơ alin hlâo kơ thun 2030.
Tui hăng anŏ pơkă čuk pơkra, črăn 1, năng ai čuk giong 122 km, pơtruh nao rai mơ̆ng tơdrun kompan Bãi Gốc Phú Yên hơđăp, nao truh pơ Ƀuôn Hô, Dak Lak; črăn 2 ăt čuk mơ̆ng Ƀuôn Hô nao truh pơ kual giăm guai dêh čar Việt Nam hăng Kur. Bruă čuk pơkra dua arăt jơlan rơdêh đuăi hmar anai găn nao pơ tơring čar Dak Lak dưi đing nao hlâo pok pơhai hlâo kơ thun 2030 sa bruă ngă yom biă mă, pok prong anih pơđĭ kyar phrâo hăng kơtưn pơtruh nao rai mơ̆ng Dak Lak hăng hơdôm tơring čar ieo gah, ngă gêh găl kơ bruă pơđĭ kyar laih pơmut glăi.
Viết bình luận