Đơ đam tơring čar Lâm Đồng ră anai hơmâo 12 boh ƀut pơsat gong kut dor tơhan djai pơsăn drơi jăn yua kơ lŏn ia, amăng anun 11 boh ƀut pơsat hlăk dŏ mă meh tơlang  amăng abih bang mrô 4.776 boh akŏ pơsat.

Truh ră anai, bruă mă meh tơlang hơmâo ngă giong ƀơi 9 boh ƀut pơsat, hơmâo 6 boh ƀut pơsat ƀơi tơring čar Dak Nông hơđăp, 2 boh ƀut pơsat ƀơi tơring čar Lâm Đồng hơđăp hăng 1 boh ƀut pơsat tơhan djai pơsăn drơi ƀơi Đức Linh, tơring čar Bình Thuận hơđăp. Ră anai, ƀing ling tơhan djop anom bruă pơtum dŏ mă meh tơlang ƀơi ƀut pơsat gong kut Đạ Lạt, anih dor truh kơ 2.200 čô tơhan djai pơsăn drơi, amăng anun hơmâo 651 boh akŏ pơsat aka ƀu thâo anăn krăn pô, pioh mă meh tơlang ba pơčrang AND. Giong anun, djop anom bruă pơtum abih meh tơlang anun, ba nao pơ sa anih amăng ƀut pơsat dor tơhan pơsăn drơi tơring čar Bình Thuận hơđăp hrŏm hăng 3.431 akŏ pơsat kiăng rŭ kual mă meh tơlang pioh pơčrang thâo anăn krăn pô.