VOV.Jarai - Mơguah lơ 5/10, ƀơi Anih gru đưm Akŏ pơdong Ping gah Cộng sản blung a pơ Phú Yên (să Đồng Xuân, tơring čar Dak Lăk), Ping gah tơring čar, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam tơring čar Dak Lăk pơphun ngă lơphet 95 thun akŏ pơdong Ping gah Cộng sản blung a pơ Phú Yên (lơ 5/10/1930-5/10/2025).

VOV.Jarai - Ƀơi sang bruă Kơnuk kơna, Khua dêh čar ơi Phạm Minh Chính git gai Jơnum tui tơđar blan 9 hăng Jơnum lăng mơ̆ng ataih Kơnuk kơna hăng hơdôm boh tơring amăng dêh čar.

VOV.Jarai-Hlâo kơ jơnum lok 10, Khua pơ ala mơnuih ƀôn sang dêh čar tal XV, mơguah (5/10), ơi Phan Đình Trạc, Khua anom pơphun bruă gơnong glông hrŏm hăng ƀing Khua pơ ala mơnuih ƀôn sang tơring čar Lâm Đồng hơmâo mông bưp mơnuih ƀôn sang ruah khua ƀơi să Tà Năng.

VOV.Jarai-Ƀrô bơyan blan bơrơmi thun 2025, Khua mir sir ơi Lương Cường hơmâo mơ-it tơlơi pơpŭ kơ ƀing čơđai Việt Nam đơ đam dêh čar hăng pơ tač rơngiao.

VOV.Jarai-Tơring čar Dak Lak hơmâo đơ đam lŏn mơnai prong 18.096 km karê (Km2), mrô mơnuih ƀôn sang abih bang 3,34 klăk čô mơnuih, hăng 102 boh anom bruă gong gai kơnuk kơna gưl să, phường. Tơdơi kơ pơmut hrŏm, atur bruă ba yua ia rơgơi mrô dŏ kơƀah, bơbeč djơ̆ prong biă mă pơsir hră pơar amăng kơnuk kơna hăng pơtruh nao rai mơ̆ng tơring čar hăng djop plơi pla. Kiăng pơsir hĭ tơlơi anai, tơring čar hơmâo mă yua 300 klai prăk kiăng pơđĭ tui tơlơi thâo ba yua ia rơgơi mrô, laih dơ̆ng pơtrut tơlơi thâo mă bruă yua mrô kơ abih bang mơnuih apăn bruă amăng gưl yŭ, kual plơi pla laih anun pơtrut “Pơtô mơnuih ƀôn sang thâo ba yua ia rơgơi mrô” amăng đơ đam tơring čar.

VOV.Jarai - Amăng hrơi mơak mơai čơkă tê̆t blan bơrơmi ria Tê̆t trung thu, hơdôm hrơi anai, lu khul grup pơ Dak Lăk gir iâu pơthưr mơnuih mơnam pơčruh prăk kăk, gơnam tam či pơphun tơlơi ngui ngor, ƀơk gơnam kơ hơdôm rơbâo čô čơđai sang anŏ ƀun rin, rơwen rơwô jô găng amăng tơring čar, djru ƀing čơđai ngui mơak mơai amăng blan bơrơmi ria.

VOV.Jarai - Tlam lơ 2/10, ƀơi Sang bruă mir sir, Khua mir sir ơi Lương Cường hơmâo mông ngă bruă hăng Anom bruă mir sir či pơtŏng glăi bruă mă blan 9/2025 hăng pok pơhai bruă mă akŏ phun amăng blan 10/2025.

VOV.Jarai-Tlam lơ 2/10, ƀơi sang bruă khua pơ ala mơnuih ƀôn sang dêh čar, Jơnum min apăn bruă phun pơ ala mơnuih ƀôn sang dêh čar hăng djop anom bruă gah sang bruă khua pơ ala mơnuih ƀôn sang dêh čar, jơnum pơčruh prăk djru mơnuih ƀôn sang rŭ glăi tơlơi răm ƀăm yua kơthel ia ling dăo ngă.

VOV.Jarai-Tlam lơ 2/10, ƀơi Hà Nội, Khul pơlir hơbit đah kơmơi mut phung Việt Nam, jơnum prong biă mă hơdor glăi 95 thun hrơi akŏ pơjing Khul hăng tŭ mă Miđai mă bruă mrô I laih anun jơnum bơkơtưn mă bruă khăp kơ lŏn ia tal V, apah bơni hăng jao pri kơ đah kơmơi Việt Nam thun 2025.

VOV.Jarai-Pơdai tơjŭ pơ hmua sui mơng đưm hlâo laih ăt hơmâo djuai ania K’ho, Raglai ƀơi să Phan Sơn, tơring čar Lâm Đồng djă pioh. Pơdai ƀu djơ̆ kơnong lĕ gơnam yôm phara amăng ƀon lan đôč ôh mơ̆ ăt ba glăi rơnoh yôm gru grua pơlir hăng tơlơi hơdip ngă yang rơbang mơng mơnuih djuai ania ƀiă ƀơi anai.