Ƀơi mông mă bruă, Khua dêh čar ơi Lê Minh Hưng rơkâo ƀôn prong Hà Nội jŭ yap glăi hơdră čih pơthâo rơnoh pơđĭ kyar 6 blan rơnuč thun 2026 pioh jao rơnoh mă bruă tum teč, tơlơi glăm ba rơđah rơđong brơi kơ djop gơnong bruă, sang bruă ƀơi ƀôn prong, djop să, phường, djop mơta sang bruă; pơpha tơlơi dưi ƀing khua mua amăng ƀôn prong krăp lăng rim kơ sa bruă jao, ƀơi rim să, phường, gơnong bruă mơtam.

Pơtum lu gơnam hơmâo, boh thâo mă bruă, pran jua mơnuih mơnam pơtrut gum hrŏm kiăng ngă djơ̆ rơnoh jao pơđĭ kyar, amăng anun: khom hơmâo jơlan hơdră pơhrui mă jia hơđong, pơkrem đut tơhnal 10% hăng gir run pơkrem dơ̆ng 5% rơnoh prăk mă yua se re. Pok pơhai tŭ yua, sa amăng plĕ, bơtŭ ư sa hnơ̆ng pơkă hlom bom plơi prong jưh jom Hà Nội, lăng nao pơ anăp 100 thun lir hơbit anŏ kiăng pơđĭ kyar  rơnoh 2 mrô djơ̆ găl hăng anŏ pơkă hnơ̆ng kual lŏn dăo ia krông Hồng amăng rơwang thun 2021-2030. Khua dêh čar rơkâo ƀôn prong Hà Nội gir run hloh khom ngă tui djop jơlan hơdră, ngă giong tơhnal pơkă pơđĭ kyar 11%.