VOV4.Jarai - Tơlơi hơdip mơng hơdôm pluh rơbâo sang ano\ hăng mơnuih mơnam [ơi kual ataih, asuek, kual djuai ania aset mơng tơring ]ar Kontum jai hrơi pơplih phrâo yua gum wai pơgang glai rưng.

Anai le\ tơlơi hơmâo sit nik hok kơdok biă mă mơng jơlan hơdră apah prăk wai pơgang glai rưng ba glăi kơ ană plơi.

Plơi Đăk Kroong, să Đăk Pxi, tơring glông Đăk Hà, Kontum hơmâo 73 boh sang ano\ hăng 400 c\ô mơnuih, abih bang lêng kơ djuai ania Sơdang.

Mơng thun 2016 hơdôm boh sang ano\ amăng plơi bơlăi nao rai kiăng gơgrong bruă wai lăng giăm 1.200 ektar glai rưng mơng Anom wai lăng glai rưng pơgang ayuh hyiăng [u lăp ngă [ơi Đăk Hà.

Thun 2018 phrâo rơgao, yua hơmâo wai lăng klă đơ đam lo\n glai, mrô prăk mơ\ plơi Đăk Kroong hơmâo mă amăng tal 2 le\ 615 klăk prăk. Ayong A Lê Mi Ô, khoa plơi brơi thâo:

‘’Mơng hrơi hơmâo prak apah wai pơgang glai jing tơlơi hơdip ană plơi [ơi anai pơplih laih. Prăk anun dưi lo brơi tơlơi hơdip rim hrơi, brơi ană bă hrăm hră. Giong anun hơmâo prăk pơhrui pơko\n dong mơng glai rưng.

Rim wơ\t hyu tir amăng glai, plơi gơmơi c\ih anăn hơdôm boh sang ano\ hyu tir, giong anun tla prăk tui hrơi mă bruă.

Prăk apah wai pơgang glai pioh pơkra apui lơtrik, pơkra sang Rông, pioh blơi gơnam yua amăng plơi pla, pioh yua amăng hrơi ngui ngor kah hăng hơtuk [a` c\ưng, ngui ngor pơkra đing pơđoh ia. Amăng plơi ăt blơi mơn c\ing hơgor, blơi sum ao buh kơnar’’.

Mơng tơlơi tu\ yua mơ\ glai rưng ba glăi, ană plơi plơi Đăk Kroong bơlăi nao rai, pơtô pơblang gum hro\m wai lăng glai rưng. Hơdôm boh sang ano\ amăng plơi kah pơpha jing 4 grup, pơplih nao rai hyu tir amăng glai.

Yua anun, giăm 1.200 ektar glai rưng mơ\ ană plơi plơi Đăk Kroong gơgrong wai lăng hơmâo wai lăng kjăp.

 Mơng thun 2016 truh ră anai kơnong hơmâo 2 wơ\t đôc\ arăng ngă soh, laih dong lêng ta` [uh, pơgăn hmao tlôn.

Ơi A Gong, sa c\ô mơnuih amăng plơi brơi thâo, `u ăt kah hăng mơnuih amăng plơi mơn lêng thâo hluh tơlơi gơgrong bruă wai pơgang glai:

‘’Đưm hlâo kơ[ah djo\p mơta yua anun kho\m hyu pơ glai bơwih [ong. Tal sa le\ nao dưm kơđong, dưm kap. Tal dua le\ nao drôm kyâo ngă sang. Anun jing tơlơi soh prong biă mă.

Ră anai, mơng hrơi hơmâo prăk apah wai pơgang glai, mă mơng mrô prăk anun dưm dăp bruă mă kơ hơdôm boh sang ano\ mơ\ hrơi anai ăt hơmâo mơn sa, dua boh sang ano\ pla glai, ngă pơdai ia.

Yua anun, ră anai huăi nao drôm kyâo dong tah. {u koh drôm kyâo, [u hyu dưm kơđong dong tah’’.

Đăk Pxi le\ sa boh să tơnap tap mơng tơring glông Đăk Hà, Kontum. Tar [ar să hơmâo 9 boh plơi, rơbêh 4.000 c\ô mơnuih, djuai ania Sơdang truh kơ 99%.

Kah hăng plơi Đăk Kroong, 8 boh plơi do\ glăi amăng să lêng gơgrong bruă wai pơgang glai rưng mơng Anom wai lăng glai pơgang ayuh hyiăng [u klă Đăk Hà.

Ơi Nguyễn Phúc Đoan, Khoa Jơnum min mơnuih [on sang Đăk Pxi pơsit tơlơi tu\ yua mơ\ jơlan hơdră tla prăk wai pơgang glai rưng ba glăi kơ tơlơi hơdip mơng ană plơi hăng brơi kơ bruă wai pơgang glai rưng [ơi să:

‘’Jao glai kơ mơnuih [on sang ba glăi boh tu\ yua klă biă mă. Mơnuih [on sang pơphun hyu tir, wai pơgang glai rưng, mơng anun pla [iă bruă arăng phă glai pơrai rưng.

Neh met wa hơmâo prăk apah jing pơplih phrâo tơlơi hơdip mơng mơnuih [on sang klă hloh.

Ha bơnah prăk apah wai pơgang glai rưng yua ană plơi wai lăng hăng mă yua djru bruă plơi.

Pơhmutu kah hăng neh met wa blơi c\ing, blơi eng ao djuai ania pô, pơkra glăi sang Rông kjăp hloh, hiam hloh hăng hơdôm ring bruă pơko\n ăt kah hăng bruă djru mơnuih tơnap’.

Amăng rơbêh 8 thun rơgao, hơmâo rơbêh 1.000 klai prăk apah wai pơgang glai mơng Keh prăk wai pơgang hăng pơlar đ^ glai rưng Kontum tla kơ ană plơi, mơnuih [on sang hăng hơdôm anom bruă wai pơgang glai.

Jơlan hơdră tla wai pơgang glai jing pơplih yôm amăng bruă wai pơgang glai rưng.

Hro\m hăng djru pơplih, pơđ^ tui tơlơi hơdip mơng mơnuih hơdip pơlir hăng glai rưng, mrô prăk tla kơ bruă wai pơgang glai ăt kah hăng pơhlôm kơ mơnuih wai lăng rơbêh 361.000 ektar glai, dưm dưm năng ai `u 63,5% mrô glai rưng [ơi Kontum.

Siu H’Mai: Pô c\ih hăng pôr