VOV4.Jarai - {ôn Ea Ana, să Ea Ana, tơring glông Krông Ana, amăng rơnuk blah ayăt Mi le\, [ôn ngă hơkru\ đưm [ơi kual kơtuai plơi prong {uôn Ma Thuôt, tơring ]ar Daklak.

 

Mơng kual lon răm rai yua kơ bôh [om bôh phao yua kơ blah ngă, ră anai gôm đ^ laih ia mơtah mơng phun kơ phê, ka kao, tiu…

 

Bôh than trơi pơđao mơng tơngan, ako# glô mơng ană mơnuih song kơtang, gơgrong kơja\p amăng rơnuk blah ngă, triăng mă bruă pơ]eh phrâo amăng rơnuk hơđong pơhlôm, yak rơgao tơlơi rin rơpa, pơdo\ng plơi pla jai hrơi jai hiam klă.

         

Jơlan nao pơ [on Ea Ana tuh hăng kơsu go\ drong laih 

Tha plơi Ksor Ngãi (anăn juăt iâu le\ Ama Đức), thun anai 72 thun, Khoa hơđăp git gai Ping gah, Khoa jơnum min m[s să Ea Ana amăng rơwang tơdơi kơ tlaih rơngai.

 

~u ruai glăi: Tơdơi kơ tlaih rơngai tơlơi hơd^p mơda neh wa bưp lu tơlơi tơnap, kơ[ah djop mơta, lon [u hiam… Lom anun, abih bang m[s pơ phun amăng bruă gơgrong phrâo, kơdo\ng rin rơpa, muk mơgu.

 

Djop mơnuih jah rok kyâu ngă đang hmua, pơplih pơkra glăi lon amăng [ia\, amăng [ia\. Kual lon ru\ hơkru\ glăi, hơdôm bôh plơi pơkra hăng hlang dưi pơ ala nao hăng sang dlông kơja\p.

 

Tơlơi gum tơngan hrom ha amăng ple\ kơplah wah gong gai hăng m[s, lon [ơi anai gôm đ^ laih bă kơ phun pla sui thun hăng [ia\ hrơi, hmua pơdai. Tha plơi ơi Ama Đức mơ-ak pran jua biă:

         

 “{ôn Ea Ana  hlâo dih tơnap tap biă, tơdơi anai yua kơ bơwih [ong đ^ kyar anun tơlơi hơd^p mơda [ôn ră anai pơplih lu laih. Neh wa thâo hơdră bơwih [ong huă đ^ kyar mơng bruă pla kơ phê, kơ su,…

Amăng jang mut nao pơ [on Ea Ana

Neh wa ră anai thâo je# giăm nao rai amăng mơnuih mơnam hăng gơyut gơyâu… hăng thâo bơwih [ong huă anun m[s hmâo ano# [ong huă, ano# pioh lui.

 

Abih bang neh wa leng kơ hmâo sang do# klă, rơdêh thut yua, hmâo tivi lăng.

 

{ôn Ea Ana  ră anai pơplih rơđah biă. Kâo [uh [ôn gơmơi dưi pơplih tui hăng anai, kâo ư-ang hăng mơ-ak biă.”

 

          {ôn Ea Ana  hmâo 336 bôh sang ano#, biă `u djuai ania Êđê. Gơnang kơ thâo mă yua bôh thâo phrâo amăng bruă tơju\ pla anun djop phun pla leng kơ hmâo lu bôh. Lu sang ano# hmâo laih tơlơi hơd^p đ^ go\ mo\. Amai H’ Nanh Byă, [ơi [ôn Ea Ana brơi thâo:

         

Ră anai pơplih phrâo lu laih, neh wa pla hơbơi, pla kơtor abih bang mă yua măi mok sôh, hăng mă yua tui bôh thâo măi mok phrâo anun ba glăi bôh tơhnal hăng hmâo lu bôh, hơbơi.

 

Ră anai hmâo jơlan tuh kơ su, jơlan [ê tông nao rai amu` ame\, [u kah hăng hlâo dih ôh jơlan glu\t hlu\, tơnap tap.

 

Dưi hmâo gong gai plơi pla să ngă gal brơi ]an prak bơwih [ong huă, kah hăng rông rơmô  đ^ kyar bơwih [ong huă anun tơlơi hơd^p mơda hơđong hloh.

         

Sang jơnum plơi [on Ea Ana

 

Tơlơi bơwih [ong đ^ kyar, tơlơi pơmin m[s kơ bruă pơtô pơhra\m ăt [uh rơđah mơn. Ră anai nai pơtô ]ơđai [u kiăng hyu djop sang pơsur ]ơđai nao sang hră dong tah.

 

Neh wa ngă gal brơi kơ ană amon nao hrăm hră tum djop, đing nao bơwih brơi pơtô pơhra\m brơi dong phiăn juăt ngă hơkru\ kơ rơnuk hlăk ai, gum hrom klă hơdôm bruă bơkơtưn khăp kơ lon ia mơng să.

 

Amai H’ Duyên Ksor – Khoa Khul mơnuih ngă đang hmua să Ea Ana  brơi thâo:

           

“Yua kơ tơlơi hơd^p mơda hlâo dih tơnap tap anun bruă hrăm hră ană amon [u hmâo neh wa đing nao ôh, samơ\ ră anai pha ra laih, neh wa hmâo pơtrut pơsur kơ ană bă nao sang hră, nao hrăm hră truh kih, lu [ing ]ơđai tơbiă mơng sang hră hmâo bruă mă.

 

Kơnuk kơna do# djru pơdo\ng sang do# kơ hơdôm bôh sang ano# [un rin, đing nao bruă bơwih brơi tơlơi suaih pral kơ neh wa nao pel e\p tơlơi duam ruă [ơi sang ia jrao ăt amu` ame\ mơn. Neh wa hơd^p mơda mut hrom tơdruă hăng [u do# hmư\ tui tơlơi [ing sat plư.”

         

Bơwih brơi tơlơi hơd^p mơda kơ m[s, [ôn Ea Ana dưi hmâo kơnuk kơna tuh pơ plai kơ anom mă yua kah hăng: Apui lơtr^k lon ia, jơlan nao rai, sang hră, ring bruă ia hơdjă yua, ring bruă hnoh ia…

Lu sang hiam phrâo pơdong đ^ amăng [on Ea Ana

 

Neh wa ăt gum hrom pran jua hăng kơnuk kơna đ^ kyar pơplih [o# mơta plơi pla.

 

Truh ră anai jơlan nao rai [ơi [ôn dưi tuh kơ su; sang jơnum plơi rơhaih hông, klă hiam, hmâo tơdron đă bôh lông…

 

Ơi Nguyễn Đức Chơn – Kơ-iăng Khoa Jơnum min m[s să Ea Ana brơi thâo:

           

“Gong gai [ơi anai hmâo tơlơi lăng ba pha ra kơ [ôn Ea Ana, hơdôm hơdră bruă gum djru mơng Kơnuk kơna kah hăng: Hơdră bruă mrô 755, jơlan hơdră 167 hăng lu jơlan hơdră pơkon.

 

Dong mơng tơlơi lăng ba mơng gong gai ră anai bruă bơwih [ong mơng [ôn đ^ kyar hloh laih, neh wa thâo pơmin hloh hăng anăp nao djơ\ jơlan hmâo tơhnal pơplih hơdră bruă kah hăng pla phun bôh [ơr plah mut amăng đang kơ phê, tiu… hăng sa dua phun pla pơkon kiăng pơplih tơlơi hơd^p mơda mơng neh wa. Ră anai tơlơi hơd^p mơda neh wa amăng [rư\ đ^ go\ mo\.

 

Amăng [ôn hơdôm anom mă yua hmâo laih apui kơtr^k, jơlan nao rai, sang hră, sang ia jrao lăng hrom hơđong laih.”

         

{ôn Ea Ana hrơi anai pơ plih djop mơta. Neh wa gum pran hrom pơdo\ng tơlơi hơd^p mơda jai hrơi trơi pơđao, yâu mơ-ak, djơ\ hăng lon hmâo phiăn juăt ngă hơkru\.

                                                          Siu H’ Prăk: Pô ]ih hăng pôr