VOV4.Jarai-Hrom hăng đơ đam dêh ]ar ta, mơguah hrơi anai, mơnuih [on sang [ơi 5 boh tơring ]ar kual }ư\ siăng nao ple\ hră ruah khoa, ruah [ing pơ ala mơnuih [on sang dêh ]ar, [ing pơ ala mơnuih [on sang djop gưl rơwang bruă thun 2016-2021. Mơak, pơ-ư pơ-ang, glăm ba yơh tơlơi mưn [uh rơđah mơnuih [on sang nao ple\ hră amăng hrơi mơak yom pơphăn anai.

            86 thun laih samơ\ mơnuih [on sang anăn ơi Nguyễn Thành Hẹn, pơ sang mrô 18 jơlan Đặng Dung, `u yơh [uh [o# mơta ta` hloh mơng mơguah mơtam pơ anih ple\ hră mrô 4. phường Duy Tân, plơi prong Kontum, tơring ]ar Kontum. ~u  brơi thâo, wo\t tơdah amăng tơlơi hơdip mơda `u lu wo\t laih ple\ hră ruah khoa samơ\ nao ple\ hră ruah khoa pơ ala mơnuih [on sang dêh ]ar ta tal 14 hăng [ing pơ ala mơnuih [on sang djop gưl rơwang bruă pơ anăp, amăng pran jua `u ăt hok kơdok biă mă, `u lăi:

            Jing mơnuih tha rơma lu thun laih, găn rơgao dua rơnuk bơblah ngă đưm. Hơdip mơda dua rơnuk ayăt kơtư\ juă đưm hlâo truh rơnuk anai mơnuih mơnam bơkơnar `u [uh anai yơh sa tơlơi gơgrong ba yom sit truh thun ple\ hră ruah khoa, ră anai lo\n ia ta mơak, djuai ania ta pơ-ư pơ-ang biă mă hơmâo sa rơnuk hiam klă, amăng anun hơmâo sang ano\ hăng drơi jăn pô. Yua kơ anun lăng kơ bruă ruah khoa jing sa tơlơi pơ-ư pơ-ang prong, mơak biă mă, ruah [ing mơnuih lăp pơ ala hăng ba glăi tơlơi tu\ yua kơ mơnuih [on sang pô. Pơhiăp hăng mă bruă djơ\ tơlơi ]ang rơmang mơng mơnuih [on sang.

            Hok mơak, ư ang mơn pơ anih ple\ hră mrô 8 plơi Bu Kon, phường Nghĩa Tân, plơi prong Gia Nghĩa, tơring ]ar Daknông anih hơmâo lu mơnuih [on sang djuai ania [iă hloh amăng plơi prong Gia Nghĩa. Dong mơng mơguah sing bring mơtam, buh eng ao djuai ania pô, nao jơnum kơkuh kơ pioh pơphun bruă ruah khoa. Mơnuih [on sang H’Huyet, djuai ania M’nông hok mơak lăi:

            Neh met wa prăp lui kơ bruă ruah khoa anai rơbêh ha wo\t hrơi tơjuh hăng anai laih, truh mơguah anai khă hơjan hai ăt nao mơng mơguah sing bring pioh ple\ hră, nao djơ\ mông. Mơnuih [on sang mơak biă mă, djă hla kơtri ruah mơnuih pô ta lăng thâo rơgơi, mơnuih tơpă, hiam klă pơ ala kơ mơnuih [on sang. Gơmơi [uh mơak biă mă, djă hla kơtri ruah mơnuih ta pơpu\ kiăng ngă pô pơ ala kơ mơnuih [on sang dêh ]ar, pơ ala kơ mơnuih [on sang djop gưl kiăng gleng nao hloh kơ mơnuih [on sang djuai [iă pơđ^ kyar tơlơi bơwih [ong huă gru grua mơnuih mơnam, djă pioh gru ama grua am^ djuai ania ta pô.

            Hrơi ple\ hră thun anai djơ\ amăng hrơi tơjuh mơtam, anun yơh mơng mơguah sing bring, lu sang ano\, plơi pla mơnuih [on sang djuai ania [iă tui đăo, nao jơnum pơ sang jơnum ta` hloh, pioh glăi nao ple\ hră ruah khoa, ngă tui djơ\ tơlơi glăm ba mơng sa ]ô mơnuih [on sang. Pơ plơi Sơr, sa boh plơi đăo khôp gah să Biển Hồ, plơi prong Pleiku, tơring ]ar Gialai, dong mơng 6 mông 45 mơnit mơguah, hơdôm rơtuh ]ô mơnuih [uh [o# mơta, buh ao Jrai hiam biă pioh nao kơkuh kơ hlâo kơ ple\ hră ruah khoa, laih ple\ hră ruah khoa mơnuih [on sang,  Ngren Ksor lăi:

            Hrơi anai mơak hrom abih bang amăng dêh ]ar ta lăi hrom plơi Sơr ăt hnun mơn, mơnuih [on sang mơak biă mă do\ tơguan djă hla kơtri [ơi tơngan ruah [ing mơnuih rơgơi, hơmâo pran jua tơpă pioh man pơdong lo\n ia. Mơnuih [on sang hok kơdok nao ple\ hră ruah khoa. Rơngiao kơ drơi jăn kâo pô pơmin e\p lăng mơnuih ta đăo kơnang biă mă pioh ruah mă kiăng djru pran hrom,  pơdong plơi pla, lo\n ia ta pơđ^ kyar.

            Khă do\ pơ kual ataih hai, mơnuih [ôn sang }ư\ siăng lêng kơ thâo soh tơlơi pơhing pơthâo brơi kơ [ing tơbiă anăn ruah khoa, yua dah hơmâo pơtô lăi brơi djop tơlơi dưi, bruă khom ngă mơng mơnuih [on sang. Yua kơ anun, hrơi ple\ hră ruah khoa, djop pô lêng kơ pơdah rai pran jua mă bruă djă hla kơtri, ruah mơnuih thâo rơgơi, tơpă, hiam dưi djru kơ lo\n ia, djru kơ mơnuih [on sang, plơi pla. Mơnuih [on sang anăn Bon Yo Chi, plơi K’Ren, să Hiệp An, tơring glông Đức Trọng, tơring ]ar Lâm Đồng:

            Mơguah hrơi anai sang ano\ gơmơi hơmâo 5 ]ô truh thun ple\ hră nao ple\ hră soh. Anăn, bruă mă, sang ano\ mơng [ing mơnuih tơbiă anăn gơmơi e\p lăng sui laih, hrơi anai kơnong nao ruah mă đô] hlơi pô ta lăng lăp. Kâo ]ang rơmang kơ hơdôm ]ô mơnuih ta ruah tal anai, kiăng gơ`u djru ba ană plơi pla ta pơđ^ kyar trơi pơđao yâo mơak, pioh pơ ala kơ tơlơi pơhiăp ano\ kiăng mơng ană plơi pla.

Nay Jek: Pô ]ih hăng pôr