VOV4.Jarai - Tui hăng bôh tơhnal pel e\p glăi, pơsit thun 2017, đơ đam tơring glông }ư\ Mgar, tơring ]ar Daklak, hmâo 9.510 bôh sang ano# djơ\ hăng hơnong pơkă mơnuih ngă đang hmua rơgơi hơdôm gưl.

Sang ano# ơi  Ama Hani (să Ea Tul) pơhrui glăi rơbêh kơ 300 klăk prăk amăng sa thun mơng bruă pla phun sầu riêng, bôh [ơr plah amăng đang kơ phê hăng rông un 

Hơdôm bôh sang ano# bơwih [ong huă ngă đang hmua rơgơi hmâo djru klă laih mơnuih amăng khul [un rin, tơnap tap gah prăk tuh pơ plai, pơjeh pla, hlô rông, pơtô glăi bôh thâo phrâo, pơtô brơi hơdră bơwih [ong huă, mă yua hơdôm hơdră ba glăi bôh tơhnal kah hăng: pruih ia tơdjoh, rông mơnu\, pla plah mut phun tiu hăng phun bôh troh amăng đang kơ phê, rông rơmô, be pơplih nao rai…

Amăng ha thun, hmâo laih rơbêh kơ 400  bôh sang ano#  [un rin [ơi }ư\ Mgar dưi djru prăk hrưn đ^ hơđong tơlơi hơd^p mơda./.

Siu H’ Prăk: Pô ]ih hăng pôr