Mă ako\ bruă “Kual }ư\ siăng prong prin”,  pơ anăn kơ Thun }ơkă tuai  dêh ]ar  ta  2014-Kual  ]ư\ siăng-Đà Lạt, hơmâo pioh glăi lu tơlơi mơak lăp hơdor biă mă amăng mơnuih [ôn sang dêh ]ar ta laih anun [ing tuai dêh ]ar ta] rơngiao hyu ngui. Amăng sa pok hră lăi pơthâo boh tơhnal ngă tui  bruă mă Thun }ơkă tuai dêh ]ar ta thun 2014 kual }ư\ siăng-Đà Lạt dơ\ng mơng ako\ thun truh ră anai, Khul ]om puang, khua mua pơphun bruă lăi pơthâo klah ]un tui anai: “Tring ]ar Lâm Đồng gir kơtir laih pơkra hơdră ngă hro\m djop ano\m bruă pok pơhai hơdôm bruă mă boh yom phun mă bruă amăng Thun ]ơkă tuai dêh ]ar ta thun 2014, boh nik `u ako\ bruă ngă hro\m hơb^t hăng djop tring ]ar [ơi kual }ư\ siăng.

            Dơ\ng mơng thun 2013, sa amăng hơdôm bruă mă ngă hro\m kơplah wah tring ]ar Lâm Đồng hăng 4 boh tring ]ar Kon Tum, Gia Lai, Dak Lak hăng Dak Nông yua anom bruă phun akha pơphun ]ơkă tuai dêh ]ar ta git gai pok pơhai ngă tui bruă anai tu\ yua biă mă, pơkra hơdră pơjing rai gơnam tam s^ mơdrô kơ tuai hyu ngui amăng kual }ư\ siăng, hơmâo 60 ]ô [ing pơ ala mơng gơnong dlông laih anun 5 boh tring ]ar kual }ư\ siăng pơphun dơ\ng mơng lơ 25-31/5/2013. kiăo tui kơ anun dơng, pơphun bruă yua tring ]ar Lâm Đồng git gai dơ\ng mơng lơ 27/12/2013 – lơ 1/1/2014 laih anun tơdơi kơ anun lu tơlơi ngui ngor mơak ]ơkă tuai thun 2014 kual }ư\ siăng-Đà Lạt. Amăng anun lăp gleng nao le\ mlam [ơi dray sap hrup tơlơi myang”, jơnum bơyan phang [ơi Nâm Nung, jơnum bơkơtoai lu anom bruă pơtruh nao rai anih ano\m ]uă ngui, ba tuai hyu lăng kual }ư\ siăng, rơvang hrơi tơjuh Gru grua ]ơkă tuai Dak Nông hăng ako\ `u “Hơduah e\p lăng ]ư\ siăng M’nông, tour famtrop }uă ngui pơ Dak Nông lăng glai klô along hăng pơ hư] pran jua yua tring ]ar Dak Nông pơphun.

            Hăng tring ]ar Dak Lak le\, hơmâo tơlơi ngui ngor pơplông tuah ia song gru grua tring glông Krông Ana, tơlơi ngui pơplông pơđuăi rơman tring glông {uôn Đôn, nao ]uă lăng dơnao ia Lak do\ hơnong hăng hiam biă mă…

            Tring ]ar Gia Lai hơmâo tơlơi jơnum ngui ngor, pơdong pơhrôp glăi tơlơi blah wang dưi h^ hing ang gah djuai ania Bahnar, pơplông ngă rup trah đưm Gia Lai, tour }uă lăng, weh nao [iă [ơi Plei Ku, nao lăng đ^ ano\ arăng đ^ song nan pơ ia krông Ayun Hạ Trekking rơbat tơkai đuăi hyu lăng amăng glai klô…

            Hăng tring ]ar Kon Tum hơmâo tơlơi ngui ngor mơak [ơi sang rung gah djuai ania Bahnar Kon Tum, sa rơvang hrơi tơjuh gru grua ]ơkă tuai [ơi Măng Đen- Kon Plong, pơplông adoh soang laih anun pơplông hơtu\k riă tơnă hơbai asơi a`ăm  ngă tui gru đưm djop djuai ania Kon Tum, hơdră  Nao ngui amăng kual glai klô đang hơngô mơtah mơda Kon Plong.

            {ơi tring ]ar Lâm Đồng-jing anih anom pơphun djop bruă mă ngui ngor ]ơkă tuai amăng thun 2014, amăng anun pơtum nao kơ bruă mă amăng bơyan không ako\ thun, hơmâo tơlơi jơnum pơdă bơnga Festival bơnga Đà Lạt, blan 6, blan 7 bơyan pơdơi prong laih anun hơdôm blan rơnu] thun jơnum pơđut ha thun ]ơkă tuai dêh ]ar ta thun 2014, jơnum mơak hrơi Noel laih anun ]ơkă thun phrâo.  Hăng hơdôm tơlơi ngui ngor jơnum prong anun, pơphun tơlơi pơplông mơ`am mrai đưm laih anun pơdah hơbo# eng ao djop djuai ania kual }ư\ siăng,  adoh tơlơi adoh đưm djop djuai ania, pơdah dra ju\ yuan hiam buh eng ao djuai [iă; pơplông pe\ gông atông bro# đưm djuai ania [iă thun 2014, pơplông tơlơi adoh soang djop tring ]ar kual tong krah hăng ]ư\ siăng hơtal I, jơnum ngui ngor bơyan pơdơi prong Đà Lạt, bơyan hơjan [ơi [ôn prong kual }ư\ siăng. Jơnum mơak Nel  Đà Lạt hăng lu tour ba hyu tuai ]uă ngui pơko\n…Amăng anun lăp gleng nao sa rơvang hrơi tơjuh pơdah thâo bruă pơkra ]e tring ]ar Lâm Đồng hơtal V laih anun tơlơi ngui ngor  Gru grua }ơkă tuai.

            Hăng ako\ tơlơi  jơnum “Mơnâo [âo hiam mơng ia ]e [ơi kual }ư\ siăng Lâm Đồng”. Rơvang hrơi tơjuh pơdah bruă ]e tring ]ar Lâm Đồng pơphun mơng lơ19-23/12 rơgao, hơmâo 5 jơlan hơdră phun hăng 11 hơdră ngă tui. Amăng anun, boh yom phun, bơkơtoai hơdră pơđ^ kyar pla ]e hơđong kjăp [ơi tring ]ar Lâm Đồng, wai lăng klă anih pla ]e  hăng răk rem phun ]e, truh kơ bruă pe\ ]e ba pơkra pơjing gơnam s^ mơdrô mơng ]e [ơi hơdôm boh sang măi pơkra ]e. Ơi Nguyễn Thành Long do\ pơ thôn 8, să Dă Mbri, [ôn prong Bảo Lộc sa amăng hơdôm ]ô mơnuih [ôn sang ngă hmua pla ]e ba gru hlâo dưi pơpu\ hơtal anai brơi thâo, rơvang hrơi tơjuh bruă ]e tring ]ar Lâm Đồng jing sa bruă mă hrơi jơnum mơak pơpu\ kơ bruă pla ]e [ơi tring ]ar, `u lăi:

            Tring ]ar hăng [ôn prong hơmâo pơphun hơdôm hrơi jơnum anai jing sa tơlơi ho\k mơak, tơlơi ho\k kơdok kơ [ing  ngă bruă pla ]e kah hăng [ing gơmơi anai. Kiăng hơmâo gêh gal bưp nao rai, hrăm tui tơdruă, hơduah e\p jơlan hyu s^ mơdrô,  lăi pơthâo bruă pla ]e amăng dêh ]ar ta hăng lo\n ia ta] rơngiao. Kâo ho\k mơak biă mă yua arăng ruah sang ano\ gơmơi jing sa amăng hơdôm sang ano\ ba gru hlâo bruă pla ]e yua dah ngă bruă sui thun  mơng đưm  hăng  gơnam ]e pơkra rai hiam.

            Tơlơi jơnum ngui ngor mơak Gru grua ]ơkă tuai pơphun na nao amăng thun 2014. Mơnuih hyu hro\m amăng bruă ]ơkă tuai, laih anun [ing tuai hyu ngui hơmâo e\p lăng, ngui hro\m lu mơta tơlơi mơak, amăng anun nao lăng anih pla bơnga Đà Lạt r^m bơyan hơmâo bơnga, prưng pơdă bơnga Đà Lạt, hơdôm djuai bơnga mơng kual lo\n rơ-o\t; ba tuai đuăi hyu ngui [ơi Đà Lạt [u djơ\ amăng [ôn prong ôh, hyu ]uă pơ hmua anih pla ngă đang bơnga, hrơi jơnum mơak [ing hlak ai kual pla bơnga, lăi pơthâo boh thâo ia rơgơi bruă rơvơi mơ`am mrai đưm laih anun pơdah gru eng ao đưm djop djuai ania kual }ư\ siăng; jơnum bơkơtoai jar kmar “}ơkă tuai Đà Lạt-}ư\ siăng  mut khul hăng pơđ^ kyar”; mlam mơ`um ia ]e kual ]ư\ siăng….Ơi Nguyễn Văn Yên, Kơ-iang Khua Jơnum min mơnuih [ôn sang tring ]ar Lâm Đồng lăi: “{ing gơmơi kơ]ang rơmang rơvang hrơi tơjuh gru grua bruă ]e anai pơtruh brơi kơ gơyut gơyâo amăng dêh ]ar hăng ta] rơngiao thâo lu bruă mă mơak ]ơkă tuai, e\p lăng bruă mă pla  ]e hăng pơ [uh rup rap gru phrâo kơ kual }ư\ siăng hing ang laih anun ană mơnuih mơnam [ơi kual ]ư\ siăng. Anai le\ bruă mă pơtruh nao rai bruă ]ơkă tuai kơplah wah djop tring ]ar kual ]ư\ siăng laih anun kual }ư\ siăng hăng djop tring ]ar, lu kual pha ra pha ra amăng dêh ]ar mơng anun kiăng pôr pơthâo bruă ]ơkă tuai kual }ư\ siăng  hăng đơ đam dêh ]ar ta pơđ^ kyar na nao”.

            {u djơ\ kơnong pơ [uh mă rup  rap pơdah đô] ôh, bruă mă anai hơdai gum hrom kiăng pơđ^ kyar bruă ]ơkă tuai kơplah wah tring ]ar Lâm Đồng hăng djop tring ]ar amăng kual kah hăng Kon Tum, Gia Lai, Dak Lak laih anun Dak Nông amăng bruă mă ]ơkă tuai dêh ]ar thun 2014, dưi ba glăi ano\ tu\ yua yom, hơđong kjăp. Dơ\ng mơng boh tơhnal anun, anom bruă ]ơkă tuai dêh ]ar Việt Nam lăi hrom laih anun ano\m bruă ]ơkă tuai djop tring ]ar kual }ư\ siăng lăi pha dưi kơnang nao kơ hơdră ngă bruă hrom, pơhư] pran jua [ing tuai đuăi hyu ngui. Bơhmutu, rơngiao kơ gơnam tam s^ mơdrô  pioh s^ kơ tuai blơi [ơi kual }ư\ siăng djă gru djuai ania [iă, djă gru kơ djop anih amăng plơi pla, pơ anăp anai gơmơi kơ]ang rơmang hơmâo lu tour ba hyu tuai rai ngui lăng glai klô,  lăng kơyâo pơtâo mơtah mơda amăng kual }ư\ siăng, [udah sa tour tuai hyu ngui mơng kual Tong krah pơtruh rai pơ kual }ư\ siăng jai hrơi lu hloh./.

                                                                  Nay Jek : Pô pơblang hăng pôr