Bơtàu tơnguh Tây Nguyên kờñ pal tàm pơnring ngui dà di pal
Thứ bảy, 09:58, 13/01/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho-“Bơtàu tơnguh Tây Nguyên pal tàm pơnrring ngui dà di pal”, do là jơnau đơs geh đơs sùm tàm cribơyai jak chài “Dà mờ rài kis mờ kòn bơnus Tây Nguyên dê” bơh Mpồl Địa chất thủy văn Việt Nam pơgồp bal mờ ală anih lơh broă geh gơrềng bơyai lơh tàm drim ngai 12/01, tàm ƀòn dờng Buôn Ma Thuột, càr Dăk Lăk.
Jat jơnau đơs bal bơh ală cau jak chài, dà tàm Tây Nguyên li la uă ngan. Mơya, tài bơh bơta krơi is rơndăp tăp sèng ù tiah, bal mờ ală bơta gơrềng bơh tam gơl nhơm trồ tiah, bơta kơn jơ̆ gơguh khà kờp làng bol, bơta gĭt wă ngui dà ờ hềt uă gam gơrềng ờ dồ ết tus gàr tơl dà tàm Tây Nguyên.
Tàm cribơyai, ală kwang bàng neh tơrgùm cribơyai bàr pe broă geh gơrềng tus bơta lòng, broă lơh tàm tŭ lơh broă mờ ngui, atbồ mờ ngui niam dà drơng broă bơtàu tơnguh lơh sa, niam chài, lòt nhơl Tây Nguyên kơ̆ kơl jăp. Tàm cribơyai, ală kwang bàng kung cribơyai bè ală bơta ƀuơn, bơta pràn, tŭ tơngai niam ngui bơta ƀuơn bơta pràn bơh ală tơnau dơng dà, dà duh nàng bơtàu tơnguh lơh sa- lòt nhơl mờ bơhiàn niam bơnĕ niam chài ală jơi bơtiàn Tây Nguyên dê.
Viết bình luận