Càr Dăk Lăk lơh geh cồng nha Broă lơh tơl xã dùl bơta phan
Thứ hai, 13:32, 11/12/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Tàm ƀòn dờng Buôn Ma Thuột, Cơl dŭ lơh broă ƀòn lơgar pa càr Dăk Lăk bơyai lơh pờ ơdŭ bơsram, bơto Broă lơh tơl xã dùl bơta phan (OCOP) nam 2023 ai 150 nă cau bơsram là ala măt mpồl lơh sa kă bro, hợp ták xã, mpồl lơh broă, ală cau tờm anih lơh sa suơn dờng mờ hìu lơh sa tàm càr dê.
Tàm broă bơsram tàp, ală cau bơsram kung neh cri bơyai, hơ mblàng mờ tam pà bal ală broă lơh mờng chài, broă lơh niam geh cồng nha, ală broă lơh mùl màl nàng tơmù kal ke, gơkòl tŭ tus bal broă lơh do.
Jăt ồng Dương Tín Đức, Kwang atbồ cơl dŭ lơh broă, broă lơh ƀòn lơgar pa càr Dăk Lăk đơs: tơnơ̆ mờ mờr 6 nam lơh Broă phan OCOP, càr Dăk Lăk neh geh 152 bơta phan geh dờp phan OCOP. Tàm hơ̆ geh 1 bơta phan geh 5 sơrmañ, 19 bơta phan geh 4 sơrmañ mờ 132 bơta phan geh 3 sơrmañ.
Viết bình luận