Ồng Lê Trung Kiên, Kwang atbồ Ci kụk bơtơ̆t rơbòng dà càr Dăk Nông pà git, jăt jơnau yal bơh anih yal lài trồ tiah dà ia dê, tàm pơgăp bơh nhai 2 tus nhai 4 nam 2024, dà tàm ờ uă tiah tàm càr geh soăt lơh gơtìp prang, ờ tơl dà drơng tàm broă lơh sa suơn sre mờ rài kis làng bol tàm lồi kàl prang.

Tềng đăp mờ bơta do, UɃÑZ càr Dăk Nông neh tơlik broă rơndăp lơh nàng rơcang sơndră mờ prang, hòi jà ală sở, gah lơh broă, ală kơnhoàl, ƀòn dờng sền gròi nền nòn trồ tiah, sền mùl màl dà geh, ai tiah nàng tuh dà, tiah di gơlan ờ tơl dà, rơcang tam pà dà di pal mờ lơh di pal kàl lơh sa, tam gơl phan tam, phan ròng gơdờp bal.