Cau lơh broă sa càr Dăk Lăk chờ hờp ngan tŭ tiêu gơguh giă
Thứ tư, 06:00, 28/02/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tơngai tŭ do, uă tiah tàm càr Dăk Lăk gam mut tàm tơngai pĭc tiêu. Giá tiêu gam gơguh pah ngai, cau tam tiêu chờ hờp ngan mờ kơ̆p kờñ giă niam rơ̆p bơnah lơi bơsir wơl priă tă lơh bơh sơn rờp gơguh uă tàm tŭ bơcri priă lơh.
Tàm ală suơn tiêu tàm ù tiah càr Dăk Lăk, ală ngai do, nùs nhơm pĭc tiêu gơ gơs hô hơng ngan. Cau tam tiêu chờ hờp ngan tŭ giă tiêu gam tàm khà giă uă. Tŭ do gam tàm pơgap bơh 89 rơbô tus rlau 90 rơbô đong dùl kĭ. Càr Dăk Lăk geh mờr 32 rơbô lồ tiêu, cồng nha lơh geh kờp dŭ mờr 80 rơbô tấn.
Broă giá tiêu “gơguh gơmù” tàm ală nam do, tàm tŭ trồ tơngai tu kòp lơh aniai uă ngan, giă phan bơna, giă ơpah cau lơh broă kas ngan neh gơrềng uă ngan tus priă lơh geh kung bè nùs nhơm cau tam tiêu tê. Giă tiêu gam sơlơ gơguh niam wơl bơh bồ kàl pĭc tiêu nam 2024 dê là tềl tơngŏ niam ngan nàng cau lơh broă sa in iang nùs bơcri priă tam uă kơ̆ kơl jăp tờm tiêu.
Viết bình luận