Cồng nha tam tơngời ròng phan jăt broă lơh tàm pơdar tàm càr Dăk Lăk
Thứ ba, 11:01, 05/12/2023
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Drim ngai 04/12, Viện kơlôi sơnơng Tơngời bơyai lơh pơrjum sền jơh wơl broă lơh tàm broă lơh “Bơ̆t bơtàu mờ lơh sir ală broă tam tơngời ròng phan jăt broă lơh lơh sa tàm pơdar” tàm càr Dăk Lăk.
Broă lơh do geh lơh tàm 2 tiah ƀòn brê bơnơm là Sơn La mờ Dăk Lăk mờ bă ù ơnàng 8 lồ. Tàm càr Dăk Lăk, broă lơh geh lơh tàm bă ù ơnàng 2 lồ tơngời bơh ồng Lê Kỳ Minh dê tàm sơnah ƀòn Tân Hoà, ƀòn dờng Buôn Ma Thuột.
Sơntìl tơngời ngui là sơntìl LVN66 bơh Viện kơlôi sơnơng Tơngời sơntìl pa, phơng sih ngui phơng NPK Gơl rơpu mờ Kông ty Bơcri priă bal Bình Điền dê lơh. Bơh rlau 80 ngai bơh tŭ sih tam tus tŭ tơnhàu, cồng nha lơh geh bơh broă lơh pà gŏ sơntìl tơngời pa LVN66 hòn dờng niam ngan, ring bal, nha tơlir jŏ. Geh tơl pràn kong jai bàr pe bơta tu kòp aniai tờm. Cồng nha lơh geh bơh 74 tus 78 tấn tàm dùl lồ, cèng wơl priă cồng rlau 30 tơlak đong dùl lồ.
Viết bình luận