Rlau 200 nă cau lơh broă sa, Hợp ták xã ơm tàm càr Dăk Nông neh geh dơ̆ tìp mat, cribơyai, jòi jơnau đơs bal mờ ală mpồl lơh sa kă bro tàm càr mờ bơdìh càr. Tus tŭ do, càr Dăk Nông neh lơh geh 23 phan bơna tờm, gah phan bơna geh bơta buơn, bơta pràn mờ cồng nha lơh geh bal mờ bơta bơkah niam bơh phan lơh geh bơh suơn sre dê đơs nền gơnoar broă tàm drà kă bro. Tàm hơ̆ geh 140 rơbô lồ kơphê, khà lơh geh rlau 350 rơbô tấn, bă ù tam tiêu 34 rơbô lồ lam lài gùt lơgar.
Bơdìh mờ hơ̆, ală bơta tờm chi sa plai bè sầu riêng, bơ, mắc ca mờ bă ù ơnàng mờ khà lơh geh uă. Tàm Cribơyai, ală mpồl lơh sa kă bro tus bơh uă càr, ƀòn dờng bal mờ ală Hợp ták xã, cau lơh broă sa càr Dăk Nông neh song dơ pă cribơyai, jòi jơnau đơs bal nàng lơh broă bal lơh tus bơt bơtàu ală anih lơh gơlik phan- tăc bro phan bơna lơh sa suơn sre.
Viết bình luận