Tàm dơ̆ tơm bơh bơr, gĭt nđờ jơ̆t jơnau đơs bơh kwang bàng, cau tàm mpồl cau lơh broă sa dê pơyoa tus mờ Củ tịc Ủy ƀan Ñân zân càr Kon Tum in tơrgùm tàm 7 gah broă tờm, geh: dong kờl tăc bro phan bơna; dong kờl priă bơcri lơh; lơh broă lơh sa suơn sre; bơcri priă lơh phan bơna bơt bơtàu; broă dong kờl gơwèt mờ kwang bàng, cau tàm mpồl cau lơh broă sa; bơsong sră nggal mờ dong kờl bơta chài tam phan, bơto bơtê broă lơh.

Gơwèt mờ ală broă geh ngan bè: tăc bro phan bơna lơh geh bơh suơn sre, phan bơna tàñ ồi kòn cau, giă phan sa ròng phan, phơng sih gơguh uă kal ke ngan ai broă lơh sa in.. ala mat ală Sở, ngàñ geh gơnoar càr Kon Tum neh hơ ngan ngồn, mơkung bơto pơlam cau tàm mpồl cau lơh broă sa in gĭt mờ broă dong kờl mờ sơntìl phan tam, phan ròng, bơta chài bơtàu tơnguh lơh sa sơlơ bơtàu tơnguh.

Jat Củ tịc Ủy ƀan Ñân zân càr Kon Tum Lê Ngọc Tuấn, tơnơ̆ tŭ pơrjum tìp mat tơm bơh bơr càr rơ̆p tơrgùm lơh jat bàr pe mpồl broă lơh nàng kờñ tă bơsong bơta kal ke, dong kờl cau lơh broă sa in bơtàu tơnguh lơh sa suơn sre, ƀòn lơgar mhar mờ kơ̆ kơl jăp.