Ƀòn dờng Dà Làc, càr Lâm Đồng tŭ do geh 2 rơbô 900 lồ hìu krơh lơh sa suơn sre tàm dơlam ƀòn dờng dê. Uă ngan bă ù hìu krơh do lơh is, ờ gàr niam jơnau sồr tơl jơnau kờñ bè tiah ơm kis, tiah tơnrŭc; ờ geh ală gùng ding tơrgùm dà, lơh uă ir tàm dùl bă tiah, tàm bơrlŭ bal tàm tiah làng bol ơm kis... Do là dùl tàm ală jơnau tờm lơh dà mìu ờ thàn hoài soăt, lơh gơlik geh ală dơ̆ ngơr bam dà tàm uă tiah tàm tiah tờm ƀòn dờng dê.

Nàng tơrmù ƀà bơta do, lơh tus tơn jơh hìu krơh lơh sa suơn sre tàm dơlam ƀòn dờng Dà Làc, bơdìh mờ broă lơh uă broă lơh tơrlòng lài lơh sa suơn sre đah bơdìh lơh geh cồng nha uă mờ rề ơnàng, càr neh sồr Ngân hàng Dà lơgar Việt Nam anih lơh broă càr Lâm Đồng kơlôi sơnơng, ngui ală bơnah priă dong kờl càn priă ờ sa priă cồng uă mờ kờp jơh khà priă rlau 4 rơbô 800 tơmàn đong, nàng cau lơh broă sa suơn sre in lơh broă đah bơdìh. Tŭ do ƀòn dờng Dà Làc, gam lam lơh 30 broă lơh tơrlòng lài bè tam bơkào, biăp bùm, kơnuh, plai đo đah bơdìh.