Bơh mờr 2 nam lam lơh, neh geh rlau 3 rbô 400 dơ̆ làng bol geh bơto pơlam tơnguh pràn jak mờ tơngume bè atbồ ù mờ chi che, rlau 1 rbô hìu bơnhă rƀah mờ ndrờm bè cau rƀah geh rơndap broă lơh dong kờl phan bơna ngui lơh broă suơn sre bơh broă lơh sră tàm gơl ai phan bơna, mờ kờp jơh khà priă rlau 5 tơmàn đông, lơh gơs broă lơh pa mờ lơh niam wơl 69 tơnau kong jai mờ tam gơl trồ tiah tàm kờp jơh 260 tơnau dà geh jàu. Đơs tàm dơ̆ bơyai lơh, ồng Nguyễn Hoài Dương, Kwang atbồ Sở Nông nghiệp mờ Phát triển Nông thôn càr Dăk Lăk pà git, mờ bơta dong kờl bơh Broă lơh bơtàu tơnguh Liên hợp quôk dê, Ƀộ Nông nghiệp mờ Phát triển Nông thôn neh lơh gơlik tŭ niam ai làng bol in rơhời lik klàs rƀah mờ bơtàu tơnguh lơh sa jat gùng dà kơ̆ kơljap jŏ jòng sùm.