Dăk Lăk: Lơh jăt broă lơh ngui vaccine rơcang sơndră mờ kòp Jê ndul gơjroh sur Câu Phi
Thứ tư, 13:47, 27/12/2023
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Drim òr (26/12), Sở Nông nghiệp mờ Phát triển Nông thôn càr Dăk Lăk pơgồp bal mờ Kông ty Kổ phần AVAC (bơtàu tơnguh mờ lơh, kă bro vaccine phan ròng) lơgar Việt Nam bơyai lơh cri bơyai lơh jăt broă ngui vačcine rơcang sơndră mờ kòp jê ndul sur Câu Phi tàm càr Dăk Lăk.
Tus nhai 7 nam 2023, kờp jơh neh geh rơlao 650 rơbô ding vaccine kòp jê ndul sur Câu Phi geh sền gròi bơta niam geh 100%; ngui niam jăt jơnau bơto sồr tàm rơlao 30 càr, ƀòn dờng tàm gùt lơgar.
Jăt ồng Trần Ngọc Sơn, Phó kwang atbồ drơng broă Ròng phan mờ phan ròng càr Dăk Lăk đơs, tus tŭ do, kòp jê ndul gơjroh sur Câu Phi neh gơtìp tàm 680 hìu gơwèt 13 kơnhoàl. Kờp jơh khà sur gơtìp kòp, chơ̆t mờ tơ̆p pơrgŭc là 4 rơbô 840 nơm. Tus tŭ do, gùt càr Dăk Lăk geh 5 kơnhoàl gơtìp kòp jê ndul gơjroh sur Câu Phi ờ hềt tus 21 ngai. Broă vaccine AVAC ASF LIVE geh ai mờ ngui di gơlan lơh gơguh cồng nha tàm broă rơcang sơndră mờ kòp jê ndul gơjroh sur Câu Phi tàm càr in.
Viết bình luận