Dăk Lăk lơh pràn tàm tơrbŏ bal tăc bro phan bơna kòi phe
Thứ năm, 14:29, 15/02/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Lơh jat rơndăp broă lơh “Bơt bơtàu broă lơh Hợp ták xã lam lài pơgồp bal mờ bơtàu tơnguh ală bơta kwơ phan bơna, phan bơna tờm, geh broă lơh dờng mờ geh bơta pràn lơh gơ rề uă”, Mpồl tam klăc Hợp ták xã càr Dăk Lăk rcang lài tàm tơrbŏ bal mờ ală mpồl lơh sa kă bro tăc bro phan lơh geh bơh lơh sa suơn sre ai cau tàm mpồl ală Hợp ták xã dê in.
Ală ngai bồ nam pa, Mpồl tam klăc Hợp ták xã càr Dăk Lăk neh tam tơrbŏ geh cồng nha đah Kông ty TNHH Tăc mờ blơi phan bơh lơgar ndai Chơn Chính mờ Kông ty Cổ phần Lơh sa suơn sre tơlir Chơn Chính (càr Đồng Tháp) lơh bal lơh gơlik mờ tăc bro phan bơna kòi phe ai 10 Hợp ták xã tàm ù tiah càr dê in.
Kờp jơh bă ù ơnàng kĭ hơ kàl sơnđờm là 1 rơbô lồ, kờp dŭ bă ù ơnàng kĭ hơ tàm kàl tơnơ̆ là 4 rơbô lồ. Jat hơ̆, mpồl lơh sa kă bro hơ pà tơl phan bơna bơh sơn rờp, gàr tơl phan bơna tăc geh giă rlau mờ drà kă bro dê là 100 đong dùl kĭ kòi. Bè đah ală Hợp ták xã lơh bal gàr geh khà phan bơna sùm, bơta bơkah niam tăc ai mpồl lơh sa kă bro in.
Viết bình luận