Jat Sở Nông nghiệp mờ Phát triển Nông thôn càr Dăk Lăk, nam 2023, gah Lơh sa suơn sre mờ ală mpồl lơh broă lam lơh uă broă lơh atbồ, sền gàr brê den khà dơ̆ lơh tìs adat boh lam bè atbồ, sền gàr brê geh kơryan, bơsong di tŭ; khà dơ̆ lơh tìs gơmù 20% pơndrờm mờ nam 2022.

Broă lơh tam uă brê geh lơh pràn. Sền gròi broă tam pa brê lơh sa, lơh pràn broă lơh sa jŏ nam, tơnguh uă cồng nha lơh geh bơta niam brê tam dê. Tus tŭ do, ală mpồl lơh sa kă bro mờ cau tờm sền gàr brê neh tam geh 2 rơbô 500 lồ, sơrlèt broă rơndăp lơh 38, 6%. Mơya, khà chi che tàm brê bơh càr Dăk Lăk dê pa mìng lơh geh rlau 38%, ờ lơh geh broă jàu Nghị quyết mpồl duh broă làng bol càr dê ai là 39, 24%.