Dăk Lăk tŭ do geh rau 657 rơbô lồ ù lơh sa, tam uă bơta phan tam jŏ nam bè kơphê, kao su, tiêu, điều, tờm chi sa plai. Tàm hơ̆, kơphê geh uă bă ù mờr 213 rơbô lồ, mờ cồng nha lơh geh rlau 550 rơbô tấn pah nam. Tàm cribơyai, kwang bàng neh đơs cồng nha broă lam lơh ală broă lơh nàng kờñ lơh niam wơl ù tiah brê dê, ngan là gơwèt mờ broă lơh kơphê lơh sa suơn sre brê bơnơm pơgồp bal.

Kwang bàng đơs là, broă lơh do neh cèng wơl cồng nha lơh sa, tơnguh uă priă lơh geh ai cau tam phan in. Gơrềng niam ngan bè bơta mpồl bơtiàn bơh bơta pràn gơ hòi gơ jà cau lơh broă mờ tơnguh uă priă jền ngai lơh broă bơh cau lơh broă dê. Mờ broă lơh kung lơh geh cồng nha gơwèt mờ tiah ơm kis, dong tơrmù jơnau kờñ dà tuh bơh suơn chi dê, gàr niam sù iò tàm ù, ngan là tàm kàl prang.