Tàm hơ̆, mìng is gah phan kơphe geh 490 tơlak dolar Mỹ, ală bơta phan plai chi tac hờ lơgar ndai geh 120 tơlak dolar Mỹ. Đơs tàm pơrjum tơn jơh gah Kông thương, ồng Đoàn Ngọc Có, Phó Kwang atbồ Sở Nông nghiệp mờ Phát triển Nông thôn càr Gia Lai pà git, bơta do gơtùi lơh geh là kơnờm bơta tàm pơgồp bal nền nòn đah gah lơh broă sa suơn sre mờ gah kông thương.

Tŭ do, gùt càr geh rlau 256 rbô lồ chi tam tờm ngan geh tam jat ală tơl khà tac hờ lơgar ndai bè GlobalGAP, Rain Forest, Oganic, 4C… Tàm hơ̆ rlau 58 rbô lồ neh geh lơh sră cơng tàng jòi git anih lơh gơlik mờ git nđờ rhiang lồ neh gơ ơm tàm ròt ală mpồl lơh bal lơh gơlik, đah làng bol lơh broă sa – mpồl lơh sa kă bro, geh bơta tus bal bơh rlau 200 hợp ták xã, dong broă tac phan lơh gơs gơtùi rơcang lài rlau. Tàm nam 2023, gah lơh sa suơn sre mờ kông thương kung lơh uă pơrjum bè bơtàu tơnguh ală gah phan suơn sre jat gùng dà kơ̆ kơljap, lam lơh rề ơnàng drà kă bro, sền gròi tus ală lơgar kĭ Hiệp địñ kă bro khat gơboh bè EU, Nhờk, Hàn Quôk,… sơlơ tơnguh tai hòi jà kă bro, jòi mpồl lơh bal.