Jat hơ̆, Ủy ƀan Ñân zân càr Kon Tum sồr ală Sở, ngàñ geh gơnăp gơnoar lòt sền, kờp sền nàng gàr niam bơta ring bal bè khà kờp, anih tàm sră nggal mờ ù tiah geh ngan; bè bơta gam geh tŭ do bơh brê mờ bơta brê. Bal mờ hơ̆ lơh sră nggal, yal mờ kấp geh gơnăp gơnoar in sền nền wơl, ring bal sră nggal tam brê ala mờ ngui dơm chi tàm bă brê tam gơl jơnau kờñ ngui tus jơnau kờñ ndai.

Ủy ƀan Ñân zân càr Kon Tum kung tơngkah Sở, ngàñ geh gơnoar mìng dan mờ kấp geh gơnăp gơnoar sền sơ wì tam gơl jơnau kờñ ngui brê tŭ lơh geh jơnau kờñ tơl làm ală bơta jat jơnau cih bơh Adat brê bơnơm mờ ală jơnau cih bơh adat boh lam geh gơrềng dê; geh broă lơh tơm wơl, ai ù, gàr niam bơta yal loh làng song dơ pă; broă lơh jat rơndăp broă lơh ờ gŏ di sa kơñau phan bơna Dà lơgar dê, ờ gŏ di lời gơlik geh jơnau yăl yă, gơrềng tus mpồl bơtiàn, lơngăp lơngai, rơndăp tăp sèng mờ rài kis bơh làng bol dê.