Trồ tơngai duh bal mờ bơta ờ hoan geh dà mìu lơh bơta pơhìn gơlik geh ồs sa brê tàm càr Lâm Đồng uă ngan. Ủy ƀan Ñân zân càr Lâm Đồng sùm ai lơh jat sră nggal đơng lam, sồr lơh mhar, tơngkah Sở Nông nghiệp mờ Phát triển Nông thôn, Ủy ƀan Ñân zân ală kơnhoàl, ƀòn dờng tàm càr sồr Hạt Kiểm lâm, ală mpồl sền gàr brê, Ủy ƀan Ñân zân ală xã mờ ală mpồl lơh broă geh gơrềng lơh jat kràñ cê jơh nùs ală broă lơh, gùng dà broă lơh jat broă rơndăp lơh rcang sơndră ồs sa brê neh geh ring bal.

Tàm hơ̆, sền gròi ngan broă lơh jat niam jơnau sồr “4 dùl bă tiah” tàm broă rcang sơndră ồs sa, crùh ồs sa brê; geh ală broă lơh gàr tơl mpồl cau, phan bơna, rơndeh rơndồ măi mok mờ mpồl cau dong kờl nàng di tŭ sền gŏ, bơsong, gơ sơ̆t ồs tŭ geh ồs sa gơlik geh, ờ gŏ lời ồs sa gơ rề uă, ồs sa uă tiah, ồs sa dờng.