Broă lơh geh lam lơh tàm 3 nhai ( bơh nhai 03 tus nhai 6 nam 2024), jơnau kờñ là 10 rơbô tờm sầu riêng tàm ù tiah càr Dăk Lăk rơ̆p geh lơh sồ mờ mã QR mờ pơndàng tàm ứng dụng Bandocayxanh.vn. Bơh do, tơl nă cau sền gròi gơtùi cih mã sồ mờ sền gĭt jơnau yal nền cê bè tơl tờm sầu riêng dê, bè: tiah tam, sơltìl phan tam, tŭ tơngai tam, broă sơng ka sền gàr, halà ngan ngồn rlau tai là ală jơnau yal bè bơta jơnhoa, bơta ơnàng mờ rùp hin bơh tờm chi dê jat tơl tŭ tơngai kis dờng.

Broă lơh “lơh sồ tờm sầu riêng tàm sră wăc sềr rùp tờm chi” ờ mìng tơngŏ gơnoar broă lam lài bơh ơruh pơnu càr Dăk Lăk dê tàm broă tam gơl sồ mờ gam pơgồp bơnah bal mờ gơnoar atbồ, làng bol, mpồl lơh sa kă bro, bơt bơtàu mờ bơtàu tơnguh gah phan sầu riêng kơ̆ kơl jăp.