Phó Củ tịc lơgar mò Võ Thị Ánh Xuân đơs nền lơgar Việt Nam sền lơgar Mỹ là lơgar tam klăc bal geh bơta kwơ màng jŏ jòng mờ kơ̆p kờñ bal mờ lơgar Mỹ lơh jăt niam bơta git gơ̆p Tam klăc bal jŏ jòng tơl ală bơta kung bè ală jơnau ring bal bơh kwang đơng lam kấp dờng bàr lơgar dê neh lơh geh tàm dơ̆ tus còp lơgar Việt Nam bơh Kwang atbồ lơgar Mỹ ồng Joe Biden nhai 09 nam 2023, tàm hơ̆ lơh broă bal lơh sa suơn sre mờ kă bro phan geh lơh bơh suơn sre là dùl gah ai lài.

Phó Củ tịc lơgar mò Võ Thị Ánh Xuân hòi jà lơgar Mỹ sền gròi tam pà bal broă lơh mờng chài mờ lơh broă bal bè khoa họk kông nghệ lơh sa suơn sre, dong kờl lơgar Việt Nam tam gơl lơh sa suơn sre geh cồng nha, tă sơbì ală broă rơcang gàr kă bro mờ bơta gơkòl bơta chài gơwèt mờ phan geh lơh bơh lơh sa suơn sre lơgar Việt Nam dê, mờ dong kờl bè bơta chài, dong kờl phan geh lơh bơh suơn sre lơgar Việt Nam di pal mờ ală jơnau kờñ tàm drà kă bro lơgar Mỹ dê.