Tơngai pa do, ală mpồl dong kờl lơh broă sa mpồl bơtiàn neh dong kờl làng bol, ală Hợp ták xã mờ bơta chài tam kơphê jat ală jơnau kờñ, rề ơnàng tiah tam kơphê kơ̆ kơl jap nàng tơnguh bơta kwơ. Tàm hơ̆, broă lơh dong kờl lơh broă sa mpồl bơtiàn tàm càr Kon Tum geh jờng rơ uă ngan kơnờm broă lòt bal mờ mờr 400 hìu bơnhă làng bol, lơh geh 2 rơbô tấn kơphê gar geh jơnau kờñ 4C.

Tơnơ̆ tŭ iăt ală jơnau đơs tă pơgồp bè broă tơnguh uă bơta pràn jak bơh ală mpồl dong kờl lơh broă sa mpồl bơtiàn, Kwang atbồ Anih tờm dong kờl lơh broă sa Dà lơgar Lê Quốc Thanh pà gĭt, Anih tờm dong kờl lơh broă sa Dà lơgar rơ̆p sùm lòt bal, dong kờl nàng sơlơ tơnguh bơta pràn jak ai ală mpồl dong kờl lơh broă sa tàm tiah tam kơphê tàm Tây Nguyên dê.