Đơs bè bơta pràn mờ gùng dà ai tơlik lài lơh broă bal đah 2 gah tus nam 2030, ală jơnau cribơyai tàm pơrjum neh bal mờ gơp cribơyai bè ală bơta ƀuơn tàm pơn drờm kung bè li la ală bơta lơh broă bal, bơcri priă.
Tàm gah lơh sa suơn sre, lơh broă bal đah 2 lơgar tơrgùm tàm broă tàm jàu măi mok bè tam tờm chi ñiên liệu siñ họk, ală sơntìl biap dờng màng, măi mok tam bơsềt sa, bơsềt lơh sơnơm, lơh gơlik phan sa kloh niam, tam chi sa plai ôn đới, bơtàu tơnguh pơlam lơh broă sa suơn sre, ngui kông nghiệp 4.0 tàm lơh broă sa suơn sre mờ sơlơ tơnguh kă bro phan lơh gơs bơh suơn sre là bơta pràn bơh tơl lơgar dê. Jat Ƀộ trưởng Ƀộ Nông nghiệp mờ Phát triển Nông thôn ồng Lê Minh Hoan đơs, lơh broă bal lơh sa suơn sre đah Việt Nam mờ Hàn Quôk gam geh uă ngan bơta ƀuơn nàng bơtàu tơnguh. Hàn Quôk là lơgar geh rài lơh sa pa ngan, sơntìl chi tam li la, là lơgar geh uă bơta ƀuơn tàm broă ngui măi mok pa tàm broă tam mờ lơh gơlik phan lơh gơs bơh suơn sre mờ Việt Nam kơp kờñ lơh broă bal tàm tơngai tus.
Viết bình luận