Lơh broă mờ ală cau tờm brê tàm kơnhoàl Sa Thầy, càr Kon Tum, Phó Thủ tướng ồng Trần Lưu Quang sồr ală mpồl tờm brê, mpồl kiểm lâm yal mùl màl ală kal ke, kòl yan tàm tŭ lam lơh kơnòl broă atbồ, sền gàr brê tàm kơnhoàl.
Đơs tàm dơ̆ lơh broă, Phó Thủ tướng ồng Trần Lưu Quang kơp kờñ ală mpồl lơh ngan sơrlèt gan ală kal ke nàng pơn jat tai lam lơh niam broă lơh sền gàr brê. Đơs lài trồ prang duh digơlan gam pơn jat tai gơlik geh, den tàng Phó Thủ tướng ồng Trần Lưu Quang sồr ală mpồl tờm brê tàm kơnhoàl Sa Thầy, càr Kon Tum, tiah gam geh jơnau đơs lài ồs sa tàm kâp ngòt rơngơt ngan, pal rơcang lài ngan ngồn broă rơndap lơh rơcang sơndră crùh ồs sa brê jat tơl broă gơlik geh, sền do là kơnòl broă tờm.
Viết bình luận