Khà gar Macca tac uă jat sră pơrgon sơn rờp tus drà kă bro lơgar Hàn Quôk rlau 10 tấn geh tam tàm càr Dăk Lăk. Gar Macca neh lòt gan uă ngan bơnah broă sền sơ wì bơh anih lơh broă mờng chài dê bè sền gròi phan lơh aniai, sàng goh phan sa, broă ơn tàm kơldung mờ jòi git anih lơh gơlik. Kờp dŭ lài khà phan do rơp geh tac tàm ală siêu thị dờng tàm lơgar Hàn Quôk.

Đơs tàm dơ̆ bơyai lơh, ồng Huỳnh Ngọc Dương, Phó Kwang atbồ Sở Kông thương càr Dăk Lăk pà git: broă gar macca geh tac uă jat sră pơrgon tus drà kă bro lơgar Hàn Quôk (tơnơ̆ drà kă bro lơgar Nhờk) dùl dơ̆ tai lơh gơlik tŭ niam ai bơta gar bơkah do in bơh càr Dăk Lăk tac tus ală lơgar câu Á mờ dunia.