Ƀòn M'riu tŭ do geh 300 hìu mờ mờr 1 rơbô 400 nă làng bol, mìng là làng bol jơi bơtiàn ờ gal cau. Tàm ală nam do, Kông ty điện lực Dăk Lăk sùm lơh ngan mblàng yal, lam sồr làng bol lơh jăt niam gùng dà broă lơh bơh Đảng, adăt boh lam bơh Dà lơgar; tơnguh uă nùs nhơm rơcang lài tềng đăp mờ ală nùs nhơm kờñ lơh ờ niam mpồl tam klăc bal gùt jơi bơtiàn.

Dong kờl làng bol tơmù ờ uă kal ke, Kông ty bơcri priă lơh hìu pơrjum ƀòn, broă lơh kloh niam tàm ƀòn M'riu; sùm sền gròi, còp să, pà phan làng bol tàm ƀòn in pah tŭ satềp mờ ală ngai kwơ màng; blơi 13 nơm kơrnồ pà ală hìu rơƀah tàm ƀòn in ròng nàng bơtàu tơnguh lơh sa hìu nhă. Kờp jơh priă đah Điện lực Dăk Lăk dong kờl ƀòn M'riu tàm tơngai do là rơlao 950 tơlăk đong. Tàm tơngai tus, bàr gah ai geh 5 tơngu me tờm broă lơh oh mi nàng pơn jăt tai bơ̆t bơtàu nùs nhơm tam klăc bal, đềt mềr bal mờ dong kờl bal làng bol bơtàu tơnguh lơh sa, gàr niam bơta lơngăp lơngai cíñ trị.