Đơs tàm dơ̆ bơyai lơh, ala mat kwang đơng lam bồ Đảng, dà lơgar, Củ tịc lơgar ồng Tô Lâm pơyua tus ală rơnàng cau lơh ƀău, cau sền, cau iat tàm lơgar, bơdìh lơgar ală nùs nhơm đềt mềr, jơnau lùp còp, nting bơr gờm chờ niam ngan rlau jơh mờ jơh nùs nting bơr gờm chờ 122 nă cau cih ƀău, mpồl cau cih ƀău geh jàu Khà jờng sră ƀău dà lơgar dơ̆ 18 – Khà jờng dờng màng ngan rlau jơh bơh Mpồl cau lơh ƀău dê pà ală jơnau sră ƀău in, jờng rơ ală cau cih ƀău, mpồl cau cih ƀău geh jơnau sră ƀău niam ngan rlau jơh nam 2023. Củ tịc lơgar sồr pal tơrgùm bơt bơtàu mpồl ală cau lơh ƀău ngan ngồn là ală cau ling tàm gah niam chài bồ tơngoh, geh nùs nhơm sàng goh, bồ tơngoh kloh niam, jơnau cih niam, ờ mìng niam mờ gam pal chài tai. Củ tịc lơgar kung sồr sră ƀău sơlơ tơnguh pràn tam gơl sồ mờ tam gơl pa bơceh lơh; jơnau yal sră ƀău kac màng dê pal ngan ngồn gơ gơs là jơnau yal tơnggit tờm tàm anih sồ. Tus bal pơrlòng tàm Khà jờng Sră ƀău dà lơgar dơ̆ do, Mpồl Anih jơnau đơs Việt Nam ai geh 2 khà A mờ 1 khà C.