Mpồl đơng lam neh sền wơl nàng ồng Đinh Tiến Dũng, Kwang geh jơng tàm Ƀộ Cíñ trị, Kwang lam bồ mpồl kwang bàng Quốk hội khoă XV ƀòn dờng Hà Nội lời at ală gơnoar broă đơng lam, ơm lơh broă. Jăt jơnau yal bơh Ủy ƀan sền gròi Dà lơgar dê, tàm tơngai at gơnoar broă Ƀí thư Mpồl kwang bàng đảng, Ƀộ trưởng Ƀộ Tài cíñ tơngai bơh nam 2016 tus 2021, ồng neh tìs Jơnau lơh nền bè ală bơta đảng viên ờ gơtùi lơh, Jơnau lơh nền bè kơnòl broă lam lài, Kơrnoăt lơh broă; ờ tơl kơnòl tàm broă đơng lam, lơh gơtìp tìs, lơh hoàc huơr uă, geh jơnau ờ niam, lơh gơmù bơngă pin dờn bơh đảng, anih lơh broă atbồ dà lơgar. Git loh kơnòl broă tềng đăp Đảng mờ Làng bol, ồng neh geh pang sră dan lời at gơnoar broă geh jào mờ ơm lơh broă. Ai bơh tàm jơnau lơh nền tŭ do Đảng, Dà lơgar dê mờ sền wơl jăt jơnau kờñ bơh ồng Đinh Tiến Dũng dê, Mpồl đơng lam Đảng Dà lơgar ring bal lời ồng Đinh Tiến Dũng tơn jơh at gơnoar broă: Kwang geh jơng tàm Ƀộ Cíñ trị, Kwang geh jơng tàm Mpồl đơng lam Đảng Dà lơgar khoă XIII.

Mpồl đơng lam Đảng Dà lơgar  neh pơgồp jơnau đơs bè kwang bàng nàng Ƀộ Cíñ trị yal Quốk hội khoă XV pồ at gơnoar broă Kwang geh jơng tàm Ủy ƀan Duh broă sùm Quốk hội khoă XV, tơngai lơh broă bơh nam 2021 tus 2026.