Ngai chờ geh broă tus bal bơh rơlao 1 rơbô nă cau lơh broă, kơnòm bơsram, cau bơsram dờng… tàm càr tus bal; 30 mpồl lơh sa kă bro, mpồl lơh broă, hìu bơto broă lơh mờ rơlao 10 gah broă geh rơwah. Bơdìh mờ gah lơh sa mờ măi mok, rơwah cau lòt bơsram hờ lơgar bơdìh, ngai chờ broă lơh dơ̆ do rơwah khà cau uă ngan bè cau chài bơka să, spa, cau lơh sơnơm, cau chài klài dà hùc, drơng broă, pơlam tăc phan.
Di tàm dơ̆ do, Đah mblàng yal Ngân hàng Dà lơgar Việt Nam kung bơyai lơh broă “Git wă bè priă jền” nàng dong kờl cau lơh broă tàm càr Dăk Lăk git ală jơnau tờm bè priă jền, geh ală jơnau git wă bè priă mờ rài lài do bơh priă lơgar Việt Nam dê, broă lơh gơwèt priă jền; Cau lơh broă gam geh tus bal broă lơh rơwah phan geh pơn jờng – dờp phan pà tơn tềng tê. Di tàm dơ̆ do, Mpồl lơh broă càr Dăk Lăk kung jào pà 50 pò phan ai cau tàm mpồl cau lơh broă geh rài kis gơtìp kal ke in.
Viết bình luận