“Hìu ơm hìu bơnhă Việt Nam” Cèng bơta kờñ gơboh rê tàm tiah tàm gùl lơgar – Tây Nguyên
Thứ hai, 14:02, 23/09/2024
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.K'Ho- Tàm 03 ngai, bơh ngai 20 tus ngai 22 nhai 09, tàm ƀòn dờng Buôn Ma Thuột, càr Dăk Lăk, 18 hìu bơnhă ală oh dềt kòn đời tàm ală càr Dăk Lăk, Dăk Nông, Gia Lai, Khánh Hòa neh tus bal broă lơh “Hìu ơm hìu bơnhă Việt Nam” mờ dờp geh bơta dong kờl bè priă jền bơh ală mpồl lòt bal dê.
Do là dơ̆ 2 broă lơh geh bơyai lơh tàm Tây Nguyên. Broă lơh “Hìu ơm hìu bơnhă Việt Nam” bơh dùl broă lơh sơñio rùp broă geh ngan lời is ai ală oh dềt gơtìp gơrềng tài bơh kòp Kovid-19 in, tus tŭ do pơn jat tai rề ơnàng wèt tus ală oh dềt kòn đời, ờ geh dùl hìu bơnhă wil tơl.
Tus mờ broă lơh, ală oh dềt mờ hìu bơnhă rơp dờp geh ală bơnah priă geh kuơ nàng tam gơl rài kis, dong tơrmù ƀà bòl glar kal ke. Kờp tus tŭ do, broă lơh neh dong kờl rlau 310 hìu bơnhă geh rài kis kal ke mờ khà priă rlau 15 tơmàn đông.
Viết bình luận