Ƀòn dờng Buôn Ma Thuột, càr Dăk Lăk tă 3 tơmàn 500 tơlăk đong hòi jà cau jăk tus lơh broă
Thứ tư, 13:48, 06/03/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Ƀòn dờng Buôn Ma Thuột, càr Dăk Lăk neh tă 3 tơmàn 500 tơlăk đong bơh kes priă nàng dong kờl hòi jà ală cau jăk, cau khoa họk, cau geh bơta jăk krơi is tàm ală gah broă bè: kông nghệ thông tin, lơh sa suơn sre kông nghệ kao, broă lơh drơng ala lòt nhơl, rơndăp ù tiah tiah drà, bơ̆t bơtàu-ai geh gùng dà broă lơh dà lơgar dê.
Mùl màl, ală cau lơh broă geh bơta ngăc ngar uă, cau jăk krơi is geh dong kờl lài ngan 500 tơlăk đong tàm 1 nă cau, mờ dờp sa priă nhai uă ngan là 50 tơlăk đong tàm 1 nă cau 1 nhai. Gơwèt mờ lơh broă jào broă, khà broă geh jào mờ tơm priă geh lơh jăt jơnau neh ring bal.
Tơl broă lơh, rơndăp broă kơlôi sơnơng khoa họk, broă lơh, bơceh lơh tam gơl pa kỹ thuật, kông nghệ geh anih lơh broă, mpồl lơh broă geh gơnoar kĭ, dờp den geh dờp priă dong kờl ndrờm mờ 1% kờp jơh khà priă tơm ai rơndăp broă lơh in. Kờp jơh khà priă dong kờl lam lơh geh bơh 50 tơlăk đong tàm 1 nă 1 broă lơh. Tơngai lơh jăt broă hòi jà do geh sơn đờm bơh quý II nam 2024 tus jơh nam 2027.
Viết bình luận