Lơh jat broă lơh lơh 1 rơbô 200 nơm hìu bơta nđàc pà hìu bơnhă rƀah, hìu bơnhă kal ke in bè hìu ơm tàm càr Dăk Lăk bơh Ƀộ Kwang àng dê, bơh bồ nam 2024, kwang àng ală kơnhoàl, thị xã mờ ƀòn dờng Buôn Ma Thuột neh sơnđờm lơh 807 nơm hìu bơta nđàc.

Tus tŭ do neh geh 270 nơm hìu neh lơh sir, jàu nàng ală hìu bơnhă in ơm. Priă tă lơh tơl nơm hìu uă ngan rlau jơh là 80 tơlak đong, tàm hơ̆ Ƀộ Kwang àng dong kờl 50 tơlak đong, khà priă gam wơl bơh Kwang àng càr Dăk Lăk mờ ală tiah dê hòi jà tă pơgồp bal; mpồl àng bàng ƀòn lơgar, ală hìu bơnhă tă pơgồp tai ngai lơh hìu. Tŭ do Kwang àng càr Dăk Lăk gam jơh nùs lơh ngan sồr kwang àng ală tiah mhar lơh mhar di tŭ tơngai, jat sền niam nàng lơh ală hìu ơm gam wơl gàr niam bơta kơ̆ kơl jăp pà ală hìu bơnhă in lài mờ ngai 30/10/2024 jat di nùs nhơm đơng lam bơh Ƀộ kwang àng dê.