Do là broă lơh kwơ màng, di Tơnkah 80 nam Ngai crơng gơs Ling kàng Làng bol Việt Nam dê. Tàm nùs nhơm nggồr nggàc bơh să ntas dròng cing mồng, tamya xoang, làng bol kòn cau Jrai kis tàm xã Ia Me, kơnhoàl Chư Prông ai tơngŏ nùs nhơm chờ hờp tŭ dờp hìu rông niam chài pa geh lơh dờng niam, ơnàng 140 thơ̆k vuông, ƀlàng dă mờ bê tông ơnàng 500 thơ̆k vuông, tơl nàng ai git nđờ rơhiang nă làng bol in tus pơrjum.

Kung dùl ngai bal, Ling mpồl 15 kung neh jào 2 nơm hìu rông niam chài tàm xã Ia Piơr, kơnhoàl Chư Prông mờ xã Ia Pnôn, kơnhoàl Đức Cơ in sơl. Kờp jơh priă lơh gơs tơl nơm hìu rông bơh 3 tơmàn 300 tơlăk đong tus 3 tơmàn 500 tơlăk đong. Di tàm dơ̆ do, Mpồl đơng lam Ling mpồl 15 neh jào pà sră jờng rơ bal mờ priă gơwèt ală mpồl lơh broă geh cồng nha jăk tàm broă atbồ mờ lơh hìu rông niam chài; jào pà 60 pò phan gơwèt mờ ală kra ƀòn, kwang atbồ thôn, cau geh bơngă pin dờn, cau kơ đơng yàng geh pơnrơ jăk, hìu nhă rơƀah bal mờ cau lơh broă geh rài kis gơtìp kal ke tàm tiah nhàr lơgar càr Gia Lai in.