Jăt tàm bơta hơ̆, ală cau là kwang bàng, kông cưk, viên cưk; cau lơh broă, cau lơh broă ờ lơh kơnòl broă sùm tàm kâp xã, jơngkah tài bơh rơndăp tăp sèng mpồl lơh broă sră pơ àr gơnoar ătbồ, rơ̆p geh dong kờl tai dồ dơ̆ ndrờm mờ 50% kờp jơh priă geh dờp jăt jơnau cih tàm Jơnau lơh nền bơh Cíñ phủ dê sồ 29 nam 2023. Tơngai dong kờl là 5 nam gơ wèt mờ kwang bàng, kông cưk, viên cưk mờ 12 nhai gơ wèt mờ cau lơh broă, cau lơh broă ờ lơh kơnòl broă sùm, kờp bơh tŭ Jơnau lơh nền tàm pơrjum bơh Anih duh broă Lơh kơnòl broă sùm Quôk hội dê bè broă rơndăp tăp sèng mpồl lơh broă sră pơ àr gơnoar ătbồ kâp xã càr Dăk Lăk dê geh ai lơh jăt.

Sở Broă dơlam is càr Dăk Lăk pà gĭt: càr kung gam pơn jăt tai lơh jăt broă kờp sền nền wơl ală cau là kwang bàng, kông cưk, viên cưk, cau lơh broă, cau lơh broă ờ lơh kơnòl broă sùm tàm kâp xã jơngkah tài bơh rơndăp tăp sèng mpồl lơh broă sră pơ àr gơnoar ătbồ kâp xã.